മോഷ്ടിച്ച ബൈക്കില്‍ കറങ്ങി നടന്ന പ്രായപൂര്‍ത്തിയാകാത്ത ആള്‍ ഉള്‍പ്പെടെ മൂന്നുപേര്‍ പിടിയില്‍

കൊച്ചി: മോഷ്ടിച്ച ബൈക്കില്‍ കറങ്ങി നടന്ന പ്രായപൂര്‍ത്തിയാകാത്ത ഒരാള്‍ ഉള്‍പ്പെടെ മൂന്നുപേര്‍ പിടിയില്‍. മാതിരപ്പിള്ളി സ്വദേശി സച്ചിന്‍ സിബി (22), ഇരമല്ലൂര്‍ നെല്ലിക്കുഴി സ്വദേശി രാകേഷ് (21), പതിനേഴ് വയസുകാരന്‍ എന്നിവരാണ് കോതമംഗലം പോലിസിന്റെ പിടിയിലായത്.

വ്യാജ നമ്പര്‍ പ്ലേറ്റുമായാണ് വാഹനം ഓടിച്ചു കൊണ്ടിരുന്നത്. ഇത് ശ്രദ്ധയില്‍പ്പെട്ടതിനെ തുടര്‍ന്ന് പോലിസ് നടത്തിയ അന്വേഷണത്തില്‍ വാഹനം നെല്ലിക്കുഴിയില്‍ നിന്നും മോഷ്ടിച്ചതാണെന്ന് കണ്ടെത്തി. എസ്എച്ച്ഒ അനീഷ് ജോയി, എസ്‌ഐമാരായ റജി, മാഹിന്‍ സലിം, ഷാജി കുര്യാക്കോസ് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.