ടെലികമ്യൂണിക്കേഷന് സിഐ ചമഞ്ഞ് ലക്ഷങ്ങള് തട്ടി ;വീട്ടമ്മയും മകനും അറസ്റ്റില്
തൃപ്പൂണിത്തുറ തിരുവാങ്കുളം മഠത്തിപ്പറമ്പില് ഉഷ (50), മകന് അഖില് (25) എന്നിവരാണ് ആലുവ പോലിസിന്റെ പിടിയിലായത്. പുത്തന്കുരിശ്, രാമമംഗലം സ്വദേശിയുടെ പക്കല് നിന്നും പലഘട്ടങ്ങളിലായി അമ്പത്തിരണ്ട് ലക്ഷം രൂപയാണ് ഇവര് വാങ്ങിയതെന്ന് പോലിസ് പറഞ്ഞു
![ടെലികമ്യൂണിക്കേഷന് സിഐ ചമഞ്ഞ് ലക്ഷങ്ങള് തട്ടി ;വീട്ടമ്മയും മകനും അറസ്റ്റില് ടെലികമ്യൂണിക്കേഷന് സിഐ ചമഞ്ഞ് ലക്ഷങ്ങള് തട്ടി ;വീട്ടമ്മയും മകനും അറസ്റ്റില്](https://www.thejasnews.com/h-upload/2021/07/16/156717-aluva-cheating-caase-arrest.jpg)
കൊച്ചി: ടെലികമ്യൂണിക്കേഷന് സിഐ ചമഞ്ഞ് ലക്ഷങ്ങള് തട്ടിയ വീട്ടമ്മയും മകനും അറസ്റ്റില്. തൃപ്പൂണിത്തുറ തിരുവാങ്കുളം മഠത്തിപ്പറമ്പില് ഉഷ (50), മകന് അഖില് (25) എന്നിവരാണ് ആലുവ പോലിസിന്റെ പിടിയിലായത്. പുത്തന്കുരിശ്, രാമമംഗലം സ്വദേശിയുടെ പക്കല് നിന്നും പലഘട്ടങ്ങളിലായി അമ്പത്തിരണ്ട് ലക്ഷം രൂപയാണ് ഇവര് വാങ്ങിയതെന്ന് പോലിസ് പറഞ്ഞു.
ഉഷയും രാമമംഗലം സ്വദേശിയും പ്രീഡിഗ്രിക്ക് കോലഞ്ചേരിയിലെ കോളജില് ഒരുമിച്ച് പഠിച്ചവരാണ്. വര്ഷങ്ങള്ക്കുശേഷം പൂര്വ്വവിദ്യാര്ഥി കൂട്ടായ്മയിലൂടെ പരിചയം പുതുക്കി. ആലുവ ടെലികമ്യൂണിക്കേഷനില് ഇന്സ്പെക്ടാറെണന്ന് പറഞ്ഞ് വിശ്വാസം ജനിപ്പിച്ച ഉഷ ബിസിനസ് ആവശ്യത്തിന്റെ പേരില് ആദ്യം പത്ത് ലക്ഷം രൂപ വാങ്ങി. പിന്നീട് ബാങ്ക് അക്കൗണ്ട് വഴി 42 ലക്ഷത്തോളം രൂപയും കൈപ്പറ്റി. ഇതില് 10 ലക്ഷം രൂപ മകനാണ് ബ്ലാങ്ക് ചെക്ക് നല്കി വാങ്ങിയത്.
പിന്നീട് ഈ ചെക്ക് മാറാന് ബാങ്കില് നല്കിയപ്പോള് അക്കൗണ്ടില് പണമില്ലത്തതിനാല് മടങ്ങുകയായിരുന്നു. ആറു ലക്ഷം രൂപ അമ്മയും മകനും തിരിച്ചു നല്കി. കഴിഞ്ഞ വര്ഷം അവസാനമാണ് തട്ടിപ്പ് ആരംഭിക്കുന്നത്. പരാതി ലഭിച്ചതിനെ തുടര്ന്ന് ജില്ലാ പോലീസ് മേധാവി കെ കാര്ത്തിക്കിന്റെ നേതൃതത്തില് പ്രത്യേക ടീം രൂപികരിച്ച് അന്വേഷണം നടത്തി വരികയായിരുന്നു. ആലുവ എസ്എച്ച്ഒ സി എല് സുധീര്, എസ്ഐ എം എം ഖദീജ, എഎസ്ഐ ബിനോജ് ഗോപാലകൃഷണന്, സിപിഒ. സജീവ് എന്നിവരും പ്രത്യേക അന്വേഷണ സംഘത്തില് ഉണ്ടായിരുന്നു. ഇവരെ ക്കുറിച്ച് അന്വഷണം വ്യാപിപ്പിച്ചതായി എസ് പി കാര്ത്തിക്ക് പറഞ്ഞു.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന്...
7 Sep 2024 12:42 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT