ആക്രമിച്ച് പണം തട്ടിയ സംഭവം: രണ്ടു പേര്‍ പിടിയില്‍

കൊച്ചി: ഗണേശന്‍ കൃഷ്ണ സ്വാമി എന്നയാളെ ഫോര്‍ട്ട് കൊച്ചി പ്രൈവറ്റ് ബസ് സറ്റാന്റിനു സമീപം വച്ച് ആക്രമിച്ച് പണം കവര്‍ന്ന് കേസില്‍ രണ്ടു പ്രതികള്‍ പോലിസ് പിടിയില്‍.അമ്പലത്തുപറമ്പ് ചെറളായിക്കടവ് സ്വദേശി അന്‍ഷാദ്(19), ഈരവേലി സ്വദേശി സുള്‍ഫിക്കര്‍(26) എന്നിവരെയാണ് ഫോര്‍ട്ടു കൊച്ചി ഇന്‍സ്‌പെക്ടറുടെ നേതൃത്വത്തിലുള്ള പോലിസ് സംഘം അറസ്റ്റുചെയ്തത്.

ഈ മാസം 15 നാണ് കേസിനാസ്പദമായ സംഭവം.പ്രതികള്‍ക്കെതിരെ മട്ടാഞ്ചേരി, ഫോര്‍ട്ടുകൊച്ചി എന്നി സ്‌റ്റേഷനുകളില്‍ നിരവധി കേസുകള്‍ ഉണ്ടെന്ന് പോലിസ് വ്യക്തമാക്കി.മട്ടാഞ്ചേരി കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്റ് ചെയ്തു.