മയക്ക് മരുന്നു കടത്തിന് യുവാക്കളെ കാര്യര്‍ ആക്കുന്നയാള്‍ പിടിയില്‍

കൊച്ചി: മയക്കുമരുന്ന് കടത്താന്‍ യുവാക്കളെ കാര്യര്‍ ആക്കുന്നയാള്‍ പോലിസ് പിടിയില്‍.മട്ടാഞ്ചേരി,ബസാര്‍ റോഡ് സ്വദേശി താരിഖ് ആണ് ഫോര്‍ട്ട് കൊച്ചി പോലിസിന്റെ പിടിയിലായത്.

കൊച്ചി സിറ്റിയില്‍ മയക്ക് മരുന്ന് ഉപയോഗം തടയുന്നതിനായി ഡെപ്യൂട്ടി പോലിസ് കമ്മീഷണര്‍ വി യു കുര്യാക്കോസിന്റെ നിര്‍ദ്ദേശത്തെ തുടര്‍ന്ന് നടത്തിയ പ്രത്യേക പരിശോധനയിലാണ് പ്രതി പിടിയിലായത്.

മട്ടാഞ്ചേരി അസിസ്റ്റന്റ് കമ്മീഷണര്‍ വി ജി രവീന്ദ്രനാഥിന്റെ മേല്‍നോട്ടത്തില്‍ ഫോര്‍ട്ട് കൊച്ചി ഇന്‍സ്‌പെക്ടര്‍ കെ എം സന്തോഷ് മോന്‍,എസ് ഐ അജയ്ുമാര്‍,എസ് സിപി ഒ കെ അരുണ്‍,സിപിഒ ജോബിന്‍,ജയഗണേശ്,സജി എന്നിവര്‍ ചേര്‍ന്ന് വാഹന പരിശോധന നടത്തിയാണ് താരിഖിനെ പിടികൂടിയതെന്നും പോലിസ് പറഞ്ഞു.