യുവതി കിണറ്റില്‍ ചാടി ആത്മഹത്യ ചെയ്തു

കൊച്ചി:യുവതി കിണറ്റില്‍ ചാടി ആത്മഹത്യ ചെയ്തു.ആതമഹത്യയക്ക് കാരണം ഭര്‍ത്താവിനെ ജോലിയില്‍ നിന്നും പിരിച്ചു വിട്ടതിന്റെ മനോവിഷമം മൂലമെന്ന് ബന്ധുക്കള്‍.കോലഞ്ചേരി കറുകപ്പിള്ളി പുല്ലിട്ടുമോളയില്‍ സുരേന്ദ്രന്റെ ഭാര്യ സിന്ധു (46) ആണ് മരിച്ചത്.

കഴിഞ്ഞ ബുധനാഴ്ച പുലര്‍ച്ചെ മൂന്നരയോടെയാണ് സിന്ധു വീട്ടുമുറ്റത്തെ കിണറ്റില്‍ ചാടിയത്. ശബ്ദം കേട്ട് ഭര്‍ത്താവും, അയല്‍വാസിയും ചേര്‍ന്ന് രക്ഷപെടുത്തി കോലഞ്ചേരി മെഡിക്കല്‍ കോളജിലെത്തിച്ചുവെങ്കിലും ചികില്‍സയിലിരിക്കെ കഴിഞ്ഞ ദിവസം മരിച്ചു. പോലീസ് സര്‍ജ്ജന്റെ നേതൃത്വത്തില്‍ പോസ്റ്റ്‌മോര്‍ട്ടത്തിന് ശേഷം മൃതദേഹം സംസ്‌കരിച്ചു.

കിണറ്റില്‍ ചാടിയതിന്റെ കാരണം വ്യക്തമല്ലെന്ന് പോലിസ് പറഞ്ഞു. വാട്ടര്‍ അതോറിട്ടിയിലെ താല്‍ക്കാലിക ജീവനക്കാരനായിരുന്ന ഭര്‍ത്താവ് സുരേന്ദ്രനെ ജോലിയില്‍ നിന്നും പിരിച്ചു വിട്ടിരുന്നു. ഇതിന്റെ മനോവിഷമത്താലാണോ കിണറ്റില്‍ ചാടിയതെന്ന അന്വേഷണവും പോലീസ് നടത്തുന്നുണ്ട്.