മുഖ്യമന്ത്രിക്കെതിരേ ഫേസ്ബുക്ക് പോസ്റ്റ്: സെക്രട്ടേറിയറ്റ് ജീവനക്കാരനു സസ്‌പെന്‍ഷന്‍

തിരുവനന്തപുരം: മുഖ്യമന്ത്രി പിണറായി വിജയനെതിരേ ഫേസ്ബുക്കില്‍ പോസ്റ്റിട്ടതിനു സെക്രട്ടേറിയറ്റിലെ ഒരു ജീവനക്കാരനെ കൂടി സസ്‌പെന്റ് ചെയ്തു. കോണ്‍ഗ്രസ് അനുകൂല സംഘടനയായ ലോ സെക്രട്ടേറിയറ്റ് അസോസിയേഷന്‍ എക്‌സിക്യൂട്ടീവ് കമ്മിറ്റി അംഗവും നിയമ വകുപ്പിലെ അറ്റന്‍ഡറുമായ ഒ പി അനില്‍കുമാറിനെയാണ് അന്വേഷണ വിധേയമായി സസ്‌പെന്റ് ചെയ്തത്. നേരത്തേ ലോ സെക്രട്ടേറിയറ്റ് അസോസിയേഷന്‍ ജനറല്‍ സെക്രട്ടറി എം എസ് മോഹനചന്ദ്രനെയും ഇതേ കാരണത്തിനു സസ്‌പെന്റ് ചെയ്തിരുന്നു.