തിരുവനന്തപുരം വിമാനത്താവളത്തിൽ വീണ്ടും സ്വർണവേട്ട

തിരുവനന്തപുരം: തിരുവനന്തപുരം വിമാനത്താവളത്തിൽ നിന്നും 26 ലക്ഷം രൂപയുടെ സ്വർണ്ണം കസ്റ്റംസ് പിടികൂടി. ഷാർജയിൽ നിന്ന് എയർ അറേബ്യ വിമാനത്തിൽ വന്ന ഗൂഡല്ലൂർ സ്വദേശി മുഹമ്മദ് നാസറിനെ കസ്റ്റഡിയിലെടുത്തു. ഇയാളെ ചോദ്യം ചെയ്തു വരികയാണ്. ജ്യൂസറിന്റെ മോട്ടോറിൽ സ്വർണ്ണം ഒളിച്ചുകടത്താനായിരുന്നു ശ്രമം.

ജ്യൂസറിന്റെ മോട്ടോർ വിശദമായി പരിശോധിച്ചപ്പോഴാണ് സ്വർണ്ണ ഒളിപ്പിച്ച നിലയിൽ കണ്ടെത്തിയത്. അതിവിദഗ്ധമായി ഒളിപ്പിച്ച സ്വർണ്ണം രണ്ടരമണിക്കൂർ ശ്രമത്തിനൊടുവിലാണ് കസ്റ്റംസ് പുറത്തെടുത്തത്.

content highlights: Gold smuggling again in Thiruvananthapuram, One in custody