ഹജ്ജ് 2020 നറുക്കെടുപ്പ് 13ന്; മന്ത്രി കെ ടി ജലീല്‍ നിര്‍വഹിക്കും

കോഴിക്കോട്: സംസ്ഥാന ഹജ്ജ് കമ്മിറ്റിയുടെ ഹജ്ജ് 2020 നറുക്കെടുപ്പ് ഈമാസം 13ന് രാവിലെ 11 മണിക്ക് ഹജ്ജ് കാര്യമന്ത്രി ഡോ. കെ ടി ജലീല്‍ ഹജ്ജ് ഹൗസില്‍ നിര്‍വഹിക്കും. ഹജ്ജ് കമ്മിറ്റി ചെയര്‍മാന്‍ സി മുഹമ്മദ് ഫൈസി അധ്യക്ഷത വഹിക്കും. ഹജ്ജ് കമ്മിറ്റി മെംബര്‍മാര്‍, ജനപ്രതിനിധികള്‍ തുടങ്ങിയവര്‍ സംബന്ധിക്കും.

നറുക്കെടുപ്പ് പൂര്‍ത്തിയാവുന്നതോടെ തിരഞ്ഞെടുക്കപ്പെട്ട ഹാജിമാര്‍ക്ക് അവരുടെ രജിസ്റ്റേര്‍ഡ് മൊബൈല്‍ നമ്പരിലേക്ക് എസ്എംഎസ് ലഭിക്കും. പണമടവ്, മറ്റ് രേഖകള്‍ സമര്‍പ്പണം സംബന്ധിച്ചുള്ള വിവരങ്ങള്‍ നറുക്കെടുപ്പിനുശേഷം പിന്നീട് അറിയിക്കുമെന്ന് കേരള ഹജ്ജ് കമ്മിറ്റി അസിസ്റ്റന്റ് സെക്രട്ടറി അറിയിച്ചു.