ചാരായ വാറ്റ്: രണ്ടു കന്നാസ് കോടയും 25 കിലോ ശര്‍ക്കരയും പിടികൂടി

പത്തനംതിട്ട: സീതത്തോട് കോട്ടക്കുഴി ആനചന്തയില്‍ ഓലിക്കല്‍ ഷാജിയുടെ ഉടമസ്ഥതയിലുള്ള പറമ്പില്‍ നിന്നും രണ്ടു കന്നാസ് കോടയും 25 കിലോഗ്രാം ശര്‍ക്കരയും ചിറ്റാര്‍ പോലീസ് പിടികൂടി. ചാരായം വാറ്റാനായി 35 ലിറ്റര്‍ കൊള്ളുന്ന രണ്ട് കന്നാസിലായി സൂക്ഷിച്ചിരിക്കുകയായിരുന്നു കോട. ശര്‍ക്കര പ്ലാസ്റ്റിക് ചാക്കിലും സൂക്ഷിച്ചിരുന്നു. പ്രതി ഷാജി ഒളിവിലാണ്. ഇന്നലെ വൈകിട്ട് ചിറ്റാര്‍ പോലീസ് ഇന്‍സ്‌പെക്ടര്‍ രാജേന്ദ്രന്‍ പിള്ളയുടെ നേതൃത്വത്തിലുള്ള സംഘമാണ് കോടയും ശര്‍ക്കരയും പിടിച്ചെടുത്തത്. ചിറ്റാര്‍ എസ്‌ഐ സണ്ണി, സിപിഒമാരായ സച്ചിന്‍, രതീഷ്, പ്രശോഭ്, രഞ്ജിത്ത് എന്നിവരും സംഘത്തിലുണ്ടായിരുന്നു.