കൊവിഡ് ബാധിച്ച് കാളികാവ് സ്വദേശി ദുബയില്‍ മരിച്ചു

ദുബയ്: കൊവിഡ് ബാധിച്ച് കാളികാവ് സ്വദേശി ദുബയില്‍ മരിച്ചു. കാളികാവ് പാറശ്ശേരി കുറുക്കനങ്ങാടിയിലെ മട്ടുമ്മല്‍ അലാവുദ്ദീന്‍ (41) ആണ് മരിച്ചത്. രണ്ടാഴ്ച മുമ്പാണ് അസുഖബാധിതനായി ആശുപത്രിയില്‍ പ്രവേശിപ്പിച്ചത്.

കമ്പനി ഡ്രൈവറായിരുന്നു. ഒന്നരവര്‍ഷം മുമ്പാണ് അലാവുദ്ദീന്‍ ദുബയിലെത്തിയത്. ഭാര്യ: ഷെമിന. പിതാവ്: ഹംസ. മാതാവ്: ആമിന. മക്കള്‍: മുഅതിസിന്‍ നജാദ്, അബാന്‍ മഹ്ജു.