കൊവിഡ്: വയനാട് സ്വദേശിനി സൗദിയില്‍ മരിച്ചു

കല്‍പ്പറ്റ: സൗദിഅറേബ്യയിലെ ഹെയിലില്‍ കൊവിഡ് ബാധിച്ച് വയനാട് മുട്ടില്‍ കൊളവയല്‍ സ്വദേശിനി മരിച്ചു. കൊളവയല്‍ കുടുങ്ങൂര്‍ക്കാരന്‍ വീട്ടില്‍ തദ്ദേവൂസിന്റെ ഭാര്യ മേരി ബേബി(60)യാണ് മരിച്ചത്. കഴിഞ്ഞ ഒരുവര്‍ഷമായി ഭര്‍ത്താവിനോടൊപ്പം സൗദിയിലായിരുന്നു മേരി.

കൊവിഡിനൊപ്പം രക്തസമ്മര്‍ദവും, പ്രമേഹവും അലട്ടിയിരുന്നു. നവംബറില്‍ നാട്ടിലേക്ക് മടങ്ങാന്‍ ഇരുവരും ഉദ്ദേശിച്ചിരിക്കവെയാണ് മേരിയുടെ മരണം. മക്കള്‍: നിഥിന്‍ ജോണി, നിമി ഷിന്റോ, മരുമക്കള്‍: ഷിന്റോ, ഡയന നിഥിന്‍.