എറണാകുളത്തെ സ്വകാര്യ ആശുപത്രിയിലെ ശുചിമുറിയില് നവജാത ശിശുവിന്റെ മൃതദേഹം: പെണ്കുട്ടിയെ പീഡനത്തിനിരയാക്കിയ ആള് പിടിയില്
വയനാടില് നിന്നാണ്പ്രതി പിടിയിലായത്. പെണ്കുട്ടിയുടെ അകന്ന ബന്ധത്തിലുള്ളയാളാണ് എന്നാണ് സൂചന. പ്രതിയെ ഇന്ന് വൈകുന്നേരത്തോടെ കൊച്ചിയില് എത്തിക്കും
![എറണാകുളത്തെ സ്വകാര്യ ആശുപത്രിയിലെ ശുചിമുറിയില് നവജാത ശിശുവിന്റെ മൃതദേഹം: പെണ്കുട്ടിയെ പീഡനത്തിനിരയാക്കിയ ആള് പിടിയില് എറണാകുളത്തെ സ്വകാര്യ ആശുപത്രിയിലെ ശുചിമുറിയില് നവജാത ശിശുവിന്റെ മൃതദേഹം: പെണ്കുട്ടിയെ പീഡനത്തിനിരയാക്കിയ ആള് പിടിയില്](https://www.thejasnews.com/h-upload/2020/02/03/97233-new-born-baby.jpg)
കൊച്ചി:എറണാകുളത്തെ സ്വകാര്യ ആശുപത്രിയിലെ ശുചിമുറിയില് നവജാത ശിശുവിന്റെ മൃതദേഹം കണ്ടെത്തിയ സംഭവത്തില് പെണ്കുട്ടിയെ പീഡനത്തിനിരയാക്കിയ യുവാവ് പോലിസ് പിടിയില്.വയനാടില് നിന്നാണ് ഇയാള് പിടിയിലായത്. പെണ്കുട്ടിയുടെ അകന്ന ബന്ധത്തിലുള്ളയാളാണ് ഇയാള് എന്നാണ് സൂചന. പ്രതിയെ ഇന്ന് വൈകുന്നേരത്തോടെ കൊച്ചിയില് എത്തിക്കും.കൊച്ചിയില് എത്തിച്ച് ചോദ്യം ചെയ്തതിനു ശേഷമായിരിക്കുന്ന ഇയാളെടു അറസ്റ്റു രേഖപ്പെടുത്തുക.എറണാകുളത്തെ സ്വകാര്യ ആശുപത്രിയിലെ ശുചിമുറിയിലെ ക്ലോസറ്റില് മാസം തികയാതെ പ്രസവിച്ച നവജാത ശിശുവിന്റെ മൃതദേഹം ഇന്നലെ കണ്ടെത്തിയതോടെയാണ് സംഭവങ്ങളുടെ ചുരുളഴിഞ്ഞത്.
17 വയസുള്ള യുവതി മാതാവിനൊപ്പം വയറു വേദനയക്ക് ചികില്സ തേടിയാണ് എറണാകുളത്തെ സ്വകാര്യ ആശുപത്രിയിലെത്തിയത്.തുടര്ന്ന് ശുചിമുറിയില് പോയ യുവതി ഇവിടുത്തെ ക്ലോസറ്റില് പ്രസവിക്കുകയായിരുന്നു.തുടര്ന്ന് ഈ വിവരം ആശുപത്രി അധികൃതരോട് പറയാതെ ചികില്സ തേടി ആശുപത്രിയില് അഡ്മിറ്റാകുകയും ചെയ്തു.ശൂചിമുറി വൃത്തിയാക്കാനെത്തിരെയ തൊഴിലാളികളാണ് കുഞ്ഞിന്റെ മൃതദേഹം ക്ലോസ്റ്റില് കണ്ടത്. ഇവര് വിവരം ആശുപത്രി അധികൃതരെ അറിയിച്ചു.
തുടര്ന്ന് സിസിടിവി ദൃശ്യങ്ങള് പരിശോധിച്ച് നടത്തിയ അന്വേഷണത്തിലാണ് പ്രസവിച്ച യുവതിയെ കണ്ടെത്തിയത്.ആറു മാസം മാത്രം പ്രായമുള്ള ഗര്ഭസ്ഥ ശിശുവിന്റെ മൃതദേഹമായിരുന്നു ഇത്. മാസം തികയാതെയാണ് പ്രസവം നടന്നതെന്നാണ് ഡോക്ടര്മാരുടെ കണ്ടെത്തല്.തുടര്ന്ന് പോലിസെത്തി നടത്തിയ ചോദ്യം ചെയ്യലിലാണ് പീഡന വിവരം അടക്കം യുവതി പോലിസിനോട് പറഞ്ഞത്.പെണ്കുട്ടിക്ക് പ്രായപൂര്ത്തിയാകാത്തതിനാല് പോലിസ് പോക്സോ നിയമ പ്രകാരം കേസ് രജിസ്റ്റര് ചെയ്യുകയും പെണ്കുട്ടിയെ പീഡിപ്പിച്ചയാള്ക്കായി അന്വേഷണം ആരംഭിക്കുകയുമായിരുന്നു.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT