അരിക്കൊമ്പന്റെ പേരില്‍ പണം പിരിച്ചിട്ടില്ല; അപകീര്‍ത്തിപ്പെടുത്താന്‍ ശ്രമമെന്ന് മീരാജാസ്മിന്റെ സഹോദരി സാറാ റോബിന്‍

കൊച്ചി: അരിക്കൊമ്പന്റെ പേര് പറഞ്ഞ് ഒരു രൂപപോലും പിരിച്ചിട്ടില്ലെന്ന് കെയര്‍ ആന്റ് കണ്‍സേണ്‍ ഫോര്‍ അനിമല്‍സ് എന്ന വാട്‌സാപ്പ് ഗ്രൂപ്പിന്റെ അഡ്മിന്‍ സാറാ റോബിന്‍. തന്നെയും തന്റെ സഹോദരി മീരാ ജാസ്മിനെയും അപകീര്‍ത്തിപ്പെടുത്താനാണ് പരാതിക്കാരനായ അഡ്വ. ശ്രീജിത്ത് പെരുമന ശ്രമിക്കുന്നതെന്ന് സാറാ റോബിന്‍ പറഞ്ഞു. അഡ്വ.ശ്രീജിത്ത് പെരുമനക്കെതിരെ പൊലീസില്‍ പരാതി നല്‍കിയിട്ടുണ്ടെന്നും അവര്‍ വ്യക്തമാക്കി.കെയര്‍ ആന്റ് കണ്‍സേണ്‍ ഫോര്‍ അനിമല്‍സ് എന്ന വാട്‌സാപ്പ് ഗ്രൂപ്പില്‍ ഉള്‍പ്പെടുത്താത്തതിനെ തുടര്‍ന്നാണ് ഇയാള്‍ പരാതി നല്‍കിയത്. കെയര്‍ ആന്റ് കണ്‍സേണ്‍ ഫോര്‍ അനിമല്‍സ് എന്ന ഗ്രൂപ്പ് പണപ്പിരിവ് നടത്തിയിട്ടില്ല. അരിക്കൊമ്പനായി ആരുടെയും പക്കല്‍ നിന്ന് പണം വാങ്ങിയിട്ടില്ല. ശ്രീജിത്തിന്റെ ഫേസ്ബുക്കില്‍ തന്നെന്റെയും സഹോദരി മീരാ ജാസ്മിന്റെയും പേരുപറഞ്ഞാണ്ആരോപണം ഉന്നയിച്ചത്.കേരളത്തിലെ ഒരു പൊലീസ് സ്റ്റേഷനിലും തനിക്കെതിരെ പരാതി ലഭിച്ചിട്ടില്ലെന്നും സാറാ റോബിന്‍ പറഞ്ഞു.