പോപുലര്‍ ഫ്രണ്ട് ഡേ യൂനിറ്റി മാര്‍ച്ച്: സ്വാഗത സംഘം ഓഫിസ് ഉദ്ഘാടനം ചെയ്തു

കൊച്ചി: സ്വാതന്ത്ര്യത്തിന്റെ കാവലാളാവുക, നീതിയുടെ പോരാളിയാവുക എന്ന മുദ്രാവാക്യമുയര്‍ത്തി പോപുലര്‍ ഫ്രണ്ട് ഓഫ് ഇന്ത്യ ഈ മാസം 17ന് എറണാകുളത്ത് സംഘടിപ്പിക്കുന്ന പോപുലര്‍ ഫ്രണ്ട് ഡേ യൂനിറ്റി മാര്‍ച്ചിന്റെ സ്വാഗത സംഘം ഓഫിസ് ഉദ്ഘാടനം ചെയ്തു. ഇടപ്പള്ളി ലുലു മാളിന് സമീപം പ്രവര്‍ത്തനം ആരംഭിച്ച സ്വാഗതസംഘം ഓഫിസ് സംസ്ഥാന സെക്രട്ടറിയും സ്വാഗതസംഘം ചെയര്‍മാനുമായ എ അബ്ദുല്‍ സത്താര്‍ ഉദ്ഘാടനം ചെയ്തു.

സ്വാഗത സംഘം ജനറല്‍ കണ്‍വീനറും പോപുലര്‍ ഫ്രണ്ട് ജില്ലാ പ്രസിഡന്റുമായ എം കെ അഷ്‌റഫ് ചടങ്ങില്‍ അധ്യക്ഷത വഹിച്ചു. സംസ്ഥാന സമിതിയംഗം എസ് നിസാര്‍, സംസ്ഥാന കോ-ഓഡിനേറ്റര്‍ മൊയ്തീന്‍ കുട്ടി, ജില്ലാ സെക്രട്ടറിമാരായ അറഫ മുത്തലിബ്, ഡിവിഷന്‍ പ്രസിഡന്റ് നജീബ്,പി എ ഷിജാര്‍ ജമാല്‍ മുഹമ്മദ്, പിഐ അബ്ദുല്‍ സലാം, ഷൗക്കത്തലി, കെ എസ് നൗഷാദ്, കെ എ അഫ്‌സല്‍ പങ്കെടുത്തു. പോപുലര്‍ ഫ്രണ്ട് ഓഫ് ഇന്ത്യയുടെ സ്ഥാപകദിനത്തില്‍ രാജ്യവ്യാപകമായി പോപുലര്‍ ഫ്രണ്ട് ഡേ ആചരിക്കുന്നതിന്റെ ഭാഗമായാണ് യൂനിറ്റി മാര്‍ച്ചും ബഹുജന റാലിയും എറണാകുളത്ത് സംഘടിപ്പിക്കുന്നത്.