സയന്റിഫിക് ഓഫിസര്‍ എഴുത്തുപരീക്ഷയും ഇന്റര്‍വ്യൂവും ചൊവ്വാഴ്ച

തിരുവനന്തപുരം: പോലിസ് വകുപ്പില്‍ ഫോറന്‍സിക് സയന്‍സ് ലബോറട്ടറിയിലെ സയന്റിഫിക് ഓഫിസര്‍ തസ്തികയിലേയ്ക്ക് താല്‍ക്കാലികമായി കരാര്‍ അടിസ്ഥാനത്തില്‍ നിയമനത്തിനായുളള എഴുത്തുപരീക്ഷയും അഭിമുഖവും ഡിസംബര്‍ 29ന് രാവിലെ 8.30ന് തിരുവനന്തപുരത്തെ വിവിധ കേന്ദ്രങ്ങളില്‍ നടത്തും.

ഇ-മെയില്‍ മുഖേന കോള്‍ ലെറ്റര്‍ ലഭിച്ച ഉദ്യോഗാര്‍ഥികള്‍ രാവിലെ 7.30ന് മുമ്പായി പരീക്ഷാകേന്ദ്രത്തില്‍ കൊവിഡ് മാനദണ്ഡങ്ങള്‍ കൃത്യമായി പാലിച്ച് എത്തണം. പരീക്ഷാര്‍ഥികളോടൊപ്പം മറ്റാരെയും പരീക്ഷാകേന്ദ്രത്തില്‍ പ്രവേശിപ്പിക്കുന്നതല്ല. കോള്‍ ലെറ്റര്‍ ഇമെയില്‍ ലഭിക്കാത്ത ഉദ്യോഗാര്‍ഥികള്‍ പോലിസ് ആസ്ഥാനവുമായി ബന്ധപ്പെടണം. ഫോണ്‍ നമ്പര്‍: 0471- 2721547.