സ്വാതന്ത്ര്യത്തിലേക്ക് നിവര്‍ന്ന് നില്‍ക്കുക: എസ്‌വൈഎസ് സമ്മേളനം തിങ്കളാഴ്ച

കോഴിക്കോട്: സ്വാതന്ത്ര്യത്തിലേക്ക് നിവര്‍ന്ന് നില്‍ക്കുക എന്ന പ്രമേയത്തില്‍ എസ്‌വൈഎസ് കോഴിക്കോട് ജില്ലാ കമ്മിറ്റി സംഘടിപ്പിക്കുന്ന സ്വാതന്ത്ര്യദിന സമ്മേളനം തിങ്കളാഴ്ച നടക്കും. വൈകീട്ട് നാലിന് മാവൂര്‍ റോഡ് കാലിക്കറ്റ് ടവറില്‍ നടക്കുന്ന പരിപാടിയില്‍ പ്രതിപക്ഷ നേതാവ് വി ഡി സതീശന്‍ മുഖ്യാതിഥിയാകുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

കേരള മുസ്‌ലിം ജമാഅത്ത് സംസ്ഥാന പ്രസിഡന്റ് കാന്തപുരം എ പി അബൂബക്കര്‍ മുസ്‌ല്യാര്‍ ഉദ്ഘാടനം ചെയ്യും. തോട്ടത്തില്‍ രവീന്ദ്രന്‍ എംഎല്‍എ, എസ്‌വൈഎസ് സംസ്ഥാന സെക്രട്ടറി ഡോ. എ പി അബ്ദുല്‍ ഹക്കീം അസ്ഹരി, അബ്ദുറഷീദ് സഖാഫി കുറ്റിയാടി, അബ്ദുറഹ്മാന്‍ ബാഖവി മടവൂര്‍, സയ്യിദ് സ്വാലിഹ് തുറാബ് സഖാഫി, മുനീര്‍ സഖാഫി ഓര്‍ക്കാട്ടേരി തുടങ്ങിയവര്‍ പങ്കെടുക്കും. വാര്‍ത്താ സമ്മേളനത്തില്‍ എസ്‌വൈഎസ് ജില്ലാ ജനറല്‍ സെക്രട്ടറി കെ അബ്ദുല്‍ കലാം മാവൂര്‍, ശംസുദ്ദീന്‍ പെരുവയല്‍, അഷ്‌റഫ് സഖാഫി പെരുമണ്ണ സംബന്ധിച്ചു.