ആലപ്പുഴയില്‍ ഒരു കുടുംബത്തിലെ മൂന്നുപേര്‍ മരിച്ച നിലയില്‍

ആലപ്പുഴ: കോര്‍ത്തുശ്ശേരിയില്‍ ഒരു കുടുംബത്തിലെ മൂന്നുപേരെ മരിച്ച നിലയില്‍ കണ്ടെത്തി. അമ്മ ആനി രഞ്ജിത്ത് (60) മക്കളായ ലെനിന്‍ (35), സുനില്‍ (30) എന്നിവരെയാണ് മരിച്ച നിലയില്‍ കണ്ടെത്തിയത്. ആനി മുറിക്കുള്ളില്‍ തൂങ്ങി മരിച്ച നിലയിലായിരുന്നു. ലെനിന്റെയും സുനിലിന്റെയും മൃതദേഹങ്ങള്‍ മറ്റൊരു മുറിയിലാണ് കിടന്നിരുന്നത്.

നാട്ടുകാര്‍ വിവരമറിയിച്ചതിനെ തുടര്‍ന്ന് മണ്ണഞ്ചേരി പോലിസ് സ്ഥലത്തെത്തി വീട് തുറന്ന് മരണം സ്ഥിരീകരിച്ചു. ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റും. മല്‍സ്യത്തൊഴിലാളികളാണ് ഇവരെന്നും ഇന്നലെയും ജോലിക്ക് പോയിരുന്നുവെന്നും അയല്‍വാസികള്‍ പറയുന്നു. മരാരിക്കുളം തെക്ക് പഞ്ചായത്തിലെ തീരപ്രദേശത്താണ് ഇവരുടെ വീട്. സംഭവത്തില്‍ മണ്ണഞ്ചേരി പോലിസ് അന്വേഷണം ആരംഭിച്ചു.