ഒളിവില്‍ കഴിഞ്ഞ രണ്ട് പ്രതികള്‍ അറസ്റ്റില്‍

മഞ്ചേരി: വിവിധ കേസുകളിലായി ഒളിവില്‍ കഴിഞ്ഞുവന്ന രണ്ട് പ്രതികള്‍ അറസ്റ്റിലായി. ഒരാളെ അടിച്ച് ഗുരുതരമായി പരിക്കേല്‍പ്പിച്ച കേസിലെ പ്രതി കിടങ്ങില്‍ ചെമ്മല റാഷിദ് (26), 2015 ല്‍ രജിസ്റ്റര്‍ ചെയ്ത സാമ്പത്തിക തട്ടിപ്പുകേസില്‍ പ്രതിയായ ചേങ്ങോട്ടൂര്‍ കുന്നത്ത് വീട്ടില്‍ മൊയ്തീന്‍ കുട്ടി (60) എന്നിവരെയാണ് മഞ്ചേരി പോലിസ് അറസ്റ്റുചെയ്തത്.

വീടിന്റെ ടെറസ് വഴി ചാടി രക്ഷപ്പെടാന്‍ ശ്രമിച്ച റാഷിദിനെ ഓടിച്ചിട്ടാണ് പിടികൂടിയത്. മലപ്പുറം ജില്ലാ പോലിസ് മേധാവി എസ് സുജിത്ദാസിന്റെ നിര്‍ദേശപ്രകാരം മലപ്പുറം ഡിവൈഎസ്പി കെ സുദര്‍ശന്‍, മഞ്ചേരി ഇന്‍സ്‌പെക്ടര്‍ കെ പി അഭിലാഷ് എന്നിവരുടെ നേതൃത്വത്തിലുള്ള പോലിസ് സംഘമാണ് പ്രതികളെ അറസ്റ്റുചെയ്തത്.