യുഐഡിഎഐ നേരിട്ട് നടത്തുന്ന ആധാര്‍ കേന്ദ്രം എറണാകുളത്ത് തുടങ്ങി

കൊച്ചി: കേന്ദ്ര ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി വകുപ്പിന് കീഴിലുള്ള യു ഐ ഡി എ ഐ നേരിട്ട് നടത്തുന്ന ആധാര്‍ സേവ കേന്ദ്രം എറണാകുളം പാലാരിവട്ടത്ത് പ്രവര്‍ത്തനമാരംഭിച്ചു. യു ഐഡി എ ഐ കേരളത്തില്‍ ആദ്യമായി ആരംഭിക്കുന്ന ആധാര്‍ സേവ കേന്ദ്രമാണിത്. ദിവസേന 250 ഓളം പേര്‍ക്ക് പുതിയ ആധാര്‍ എടുക്കുന്നതിനും പുതുക്കുന്നതിനുമുള്ള സൗകര്യം ഈ കേന്ദ്രത്തിലുണ്ട്.

ആധാര്‍ എന്റോള്‍മെന്റ് (New Aadhaar), പേര്, വിലാസം, ജനനതീയതി, മൊബൈല്‍ നമ്പര്‍, ഇമെയില്‍ വിലാസം എന്നിവയുടെ തിരുത്തല്‍, ഫോട്ടോ, വിരലടയാളം, ഐറിസ് മുതലായ ആധാറിലെ ബയോമെട്രിക് വിവരങ്ങുടെ പരിഷ്‌കരണം, ആധാര്‍ പ്രിന്റിങ്ങ് തുടങ്ങിയ സൗകര്യങ്ങള്‍ ഈ കേന്ദ്രത്തിലുണ്ട്. പുതിയ എന്റോള്‍മെന്റും, അഞ്ചു വയസ്സിലും പതിനഞ്ചു വയസ്സിലുമുള്ള കുട്ടികളുടെ മാണ്ടേറ്ററി ബൈയോമെട്രിക്

അപ്‌ഡേറ്റും കേന്ദ്രത്തില്‍ സൗജന്യമാണ്. മറ്റു സേവനങ്ങള്‍ക്ക് സര്‍ക്കാര്‍ നിശ്ചയിച്ചിട്ടുള്ള സര്‍വീസ് ചാര്‍ജ് മാത്രമേ ഈടാക്കുകയുള്ളു. കൊവിഡിന്റെ സാഹചര്യം മുന്‍നിറുത്തി ഓണ്‍ലൈന്‍ ബുക്കിങ്ങ് വഴിയായിരിക്കും ഇപ്പോള്‍ സേവനങ്ങള്‍ നല്‍കുന്നത്. https://appointments.uidai.gov.in/bookappointment.aspx അല്ലെങ്കില്‍ https://ask1.uidai.gov.in എന്നീ വിലാസങ്ങള്‍ വഴി ഓണ്‍ലൈന്‍ ആയി സമയം തിരഞ്ഞെടുക്കാന്‍ സാധിക്കും. പൂര്‍ണമായും ശീതീകരിച്ച കേന്ദ്രത്തില്‍ വാഹനങ്ങളുടെ പാര്‍ക്കിങ്ങിനുള്ള സൗകര്യവും ക്രമീകരിച്ചിട്ടുണ്ട്.ദേശീയ അവധി ദിവസങ്ങള്‍ ഒഴികെയുള്ള ദിവസങ്ങളില്‍ രാവിലെ 09:30 മുതല്‍ വൈകുന്നേരം 05:30 വരെ സേവനങ്ങള്‍ ലഭ്യമാവുമെന്നും അധികൃതര്‍ അറിയിച്ചു.

ഭാരത സര്‍ക്കാര്‍ ആധാര്‍ സേവാ കേന്ദ്രം,ചാക്കോസ് ചേംബേഴ്സ്,( താഴത്തെ നിലയില്‍,സിഗ്‌നല്‍ പോയിന്റിനടുത്ത് )എന്‍ എച്ച് ബൈപാസ്,പൈപ്പ്‌ലൈന്‍ ജംഗ്ഷന്‍, പാലാരിവട്ടം എറണാകുളം എന്നതാണ് വിലാസം