ചൈനയിൽ കൊവിഡ് പിടിമുറുക്കുന്നു

ചൈനയിൽ നീണ്ട ഇടവേളക്ക് ശേഷം കൊവിഡ് പിടിമുറുക്കുന്നു. ബെയ്ജിങ്ങിൽ കൂട്ട പരിശോധനയും ലോക്ഡൗൺ ഏർപ്പെടുത്തിയതായാണ് പുറത്തുവരുന്ന റിപോർട്ട്. 21 ദശലക്ഷം ജനങ്ങൾ താമസിക്കുന്ന ബെയ്ജിങ്ങിൽ കൂട്ടപ്പരിശോധനയുടെ വാർത്തകൾ ജനങ്ങളെ ആശങ്കപ്പെടുത്തിയതായും റിപോർട്ടുകൾ പുറത്തുവരുന്നുണ്ട്.

രാജ്യത്തെ ഏറ്റവും വലിയ നഗരങ്ങളിലൊന്നും വാണിജ്യ കേന്ദ്രവുമായ ഷാങ്ഹായിലടക്കം ലോക്ക്‌ഡൗൺ നീട്ടിയിരിക്കുകയാണ്. ലക്ഷണങ്ങളില്ലാത്ത കൊവിഡ് കേസുകൾ അനുദിനം കൂടിവരുന്ന സാഹചര്യത്തിലാണ് വീണ്ടും അടച്ചുപൂട്ടൽ നീട്ടാൻ തീരുമാനിച്ചത്.

ദക്ഷിണേന്ത്യൻ ബിസിനസ്സ് ഹബ്ബായ ഷാങ്ഹായിയിലെ സാഹചര്യം സമ്പൂർണ ലോക്ക്ഡൗണിനെക്കുറിച്ചുള്ള ഭയം വർധിപ്പിച്ചു. ഏറ്റവും പുതിയ തരംഗത്തിൽ ഷാങ്ഹായിൽ ഈ മാസം 300,000-ലധികം കേസുകൾ റിപോർട്ട് ചെയ്യപ്പെട്ടിട്ടുണ്ട്. 190 മരണങ്ങളും നടന്നതായാണ് റിപോർട്ട്.

ഷാങ്‌ഹായിലെ സാമ്പത്തിക ജില്ലയായി അറിയപ്പെടുന്ന പുഡോംഗും അനുബന്ധ പ്രദേശങ്ങളും അടച്ചുപൂട്ടിയിട്ടുണ്ട്.കൊവിഡിന്റെ തുടക്കത്തിൽ ഉള്ളതിനെക്കാൾ ശക്തമായ നിയന്ത്രണങ്ങളാണ് പലയിടത്തും ഏർപ്പെടുത്തിയിരിക്കുന്നത്.

ചപ്പുചവറുകൾ കളയാനോ, നായ്ക്കളെ നടത്താനോ പോലും പുറത്തിറങ്ങരുതെന്നാണ് ജനങ്ങൾക്ക് നൽകിയിരിക്കുന്ന കർശന നിർദ്ദേശം.