ഇറാന്‍ തുറമുഖത്ത് സ്‌ഫോടനം: നാല് പേര്‍ കൊല്ലപ്പെട്ടു; 500 പേര്‍ക്ക് പരിക്ക്

തെഹ്‌റാന്‍: തെക്കന്‍ ഇറാനിലെ ബന്ദര്‍ അബ്ബാസിലെ ഷാഹിദ് രാജീ തുറമുഖത്ത് ശനിയാഴ്ച ഉണ്ടായ വന്‍ സ്‌ഫോടനത്തില്‍ നാല പേര്‍ മരിച്ചു. 500-ല്‍ അധികം പേര്‍ക്ക് പരിക്കേറ്റു. ഇറാനും അമേരിക്കയും തമ്മിലുള്ള ആണവ നിലയ ചര്‍ച്ചകളുടെ മൂന്നാം റൗണ്ട് ഒമാനില്‍ ആരംഭിക്കുന്നതിനിടയിലാണ് സ്‌ഫോടനം ഉണ്ടായത്. ഇസ്ലാമിക് റെവല്യൂഷണറി ഗാര്‍ഡ് കോര്‍പ്സ് (ഐആര്‍ജിസി) നാവിക താവളത്തിന് സമീപമാണ് സ്ഫോടനം നടന്നതെന്ന് ദി ജെറുസലേം പോസ്റ്റ് റിപ്പോര്‍ട്ട് ചെയ്യുന്നു.

'ഷാഹിദ് രാജീ തുറമുഖ വാര്‍ഫില്‍ സൂക്ഷിച്ചിരുന്ന നിരവധി കണ്ടെയ്നറുകള്‍ പൊട്ടിത്തെറിച്ചു. പരിക്കേറ്റവരെ മാറ്റിപ്പാര്‍പ്പിക്കുന്നതും മെഡിക്കല്‍ സൗകര്യങ്ങളിലേക്ക് മാറ്റുന്നതും പുരോഗമിക്കുകയാണ്.ഷാഹിദ് രാജെയ് തുറമുഖം കണ്ടെയ്‌നര്‍ ഗതാഗതത്തിന്റെ ഒരു പ്രധാന കേന്ദ്രമാണ്, എണ്ണ സംഭരണത്തിനും പെട്രോകെമിക്കല്‍ പ്രവര്‍ത്തനങ്ങള്‍ക്കും അധിക സൗകര്യങ്ങളുണ്ട്.