കൊറോണ: കുവൈത്തില്‍ രണ്ട് മലയാളികള്‍ മരിച്ചു

കുവൈത്ത് സിറ്റി: കുവൈത്തില്‍ കൊറോണ വൈറസ് ബാധയേറ്റ് ചികില്‍സയിലായിരുന്ന രണ്ട് മലയാളികള്‍ മരിച്ചു. അടൂര്‍ ഏഴം കുളം എടുമണ്‍ ഇടത്തറ പള്ളിക്കല്‍ തെക്കേതില്‍ ജോര്‍ജ്ജ് (51) ആണ് ചികില്‍സയിലായിരിക്കെ ഇന്ന് മരിച്ചത്. 18 വര്‍ഷമായി കുവൈത്തില്‍ പ്രവാസിയായ ഇദ്ദേഹം അല്‍ ഘാനിം ഇന്റര്‍ നാഷനല്‍ കമ്പനിയില്‍ ടെക്‌നിഷ്യന്‍ ആയി ജോലി ചെയ്ത് വരികയായിരുന്നു. ഭാര്യ ജൂലി ജോര്‍ജ്ജ്. മക്കള്‍ അലക്‌സ്. അലന്‍. ചെങ്ങന്നൂര്‍ സ്വദേശിയാണ് ഇന്ന് മരണമടഞ്ഞ മറ്റൊരു മലയാളി. ചെങ്ങന്നൂര്‍ പുത്തന്‍കാവ് സ്വദേശി ജോസഫ് മത്തായി (50) ആണ് ജഹ്‌റ ആശുപത്രിയില്‍ മരണമടഞ്ഞത്. ദോഹ പവര്‍ പ്ലാന്റില്‍ ടെക്‌നീഷ്യനായി ജോലി ചെയ്ത് വരികയായിരുന്നു ഇദ്ദേഹം.