കൊവിഡ്: കുവൈത്തില്‍ 613 പുതിയ കേസുകള്‍: 477 പേര്‍ക്ക് രോഗമുക്തി

കുവൈത്ത് സിറ്റി: കുവൈത്തില്‍ 613 പേര്‍ക്ക് കൂടി പുതുതായി കൊവിഡ് സ്ഥിരീകരിച്ചു. ഇതോടെ മൊത്തം രോഗ ബാധിതരുടെ എണ്ണം 81,573 ആയി. കഴിഞ്ഞ 24 മണിക്കൂറിനിടെയില്‍ 477 പേരാണ് രോഗമുക്തി നേടിയത്. നിലവില്‍ 7652 പേരാണ് ചികില്‍സയിലുള്ളത്. ഇന്ന് ഒരാള്‍ കൂടി മരിച്ചതോടെ രാജ്യത്തെ കൊവിഡ് മരണം 519 ആയി.

95 പേര്‍ തീവ്രപരിചരണ വിഭാഗത്തിലാണ്. 4426 പേര്‍ക്കാണ് പുതുതായി കൊവിഡ് പരിശോധന നടത്തിയത്. ഇതോടെ മൊത്തം 5,95,049 പേരില്‍ പരിശോധന നടത്തിയിട്ടുണ്ടന്ന് അരോഗ്യ മന്ത്രാലയ അധികൃതര്‍ വ്യക്തമാക്കി. അഹ്മദി ഹെല്‍ത് ഡിസ്ട്രിക്ടില്‍ 162 പേര്‍, ഹവല്ലി ഹെല്‍ത് ഡിസ്ട്രിക്ടില്‍ 135 പേര്‍, ജഹ്‌റ ഹെല്‍ത് ഡിസ്ട്രിക്ടില്‍ 130 പേര്‍, ഫര്‍വാനിയ ഹെല്‍ത് ഡിസ്ട്രിക്ടില്‍ 104 പേര്‍, കാപിറ്റല്‍ ഹെല്‍ത് ഡിസ്ട്രിക്ടില്‍ 82 പേര്‍ എന്നിങ്ങനെയാണ് പുതുതായി കൊവിഡ് ബാധിതരായത്.