കൊവിഡ് സന്നദ്ധ പ്രവര്‍ത്തകരെ ഇന്ത്യ ഫ്രറ്റേണിറ്റി ഫോറം ആദരിച്ചു

സകാക്ക : കൊവിഡ് കാലത്ത് സ്ത്യുത്യര്‍ഹ സേവനങ്ങള്‍ നടത്തിയ സന്നദ്ധ സേവകരെ ഇന്ത്യ ഫ്രറ്റേണിറ്റി ഫോറം അല്‍ ജൗഫ് ഘടകം ആദരിച്ചു. കൊവിഡിന്റെ ഭയാശങ്കയില്‍ പ്രവാസികള്‍ ബുദ്ധിമുട്ട് നേരിട്ട സമയത്തെല്ലാം ഭക്ഷണം, വൈദ്യസഹായം, യാത്രാസംവിധാനങ്ങള്‍ എന്നിവ യാതൊരു പ്രയാസവുമില്ലാതെയാണ് അല്‍ ജൗഫിലെ സാമൂഹിക പ്രവര്‍ത്തകര്‍ നടത്തിയത്..

അല്‍ ജൗഫ് കുടുംബ കൂട്ടായ്മക്കും, സോഷ്യല്‍ ഫോറം പ്രവര്‍ത്തകരായ നജീബ് വള്ളക്കടവ് , ഷാഫി കലന്തര്‍ മംഗലാപുരം എന്നിവര്‍ക്കും മൊമെന്റോ നല്‍കി അനുമോദിച്ചു . ചടങ്ങില്‍ ഇന്ത്യ ഫ്രറ്റേണിറ്റി ഫോറം അല്‍ ജൗഫ് പ്രസിഡണ്ട് ഹനീഫ് തൊഴുപ്പാടം, സെക്രട്ടറി ഷഫീഖ് കൗസരി പത്തനാപുരം, ദിലീപ് വള്ളക്കടവ്, ഹസ്സന്‍ മടപ്പള്ളി, ആബിദ് പട്ടാമ്പി, വസീം മംഗലാപുരം എന്നിവരും അല്‍ജൗഫ് കുടുംബ കൂട്ടായ്മക് വേണ്ടി ഷിബു വടക്കേല്‍, ഷാന്‍ മൊയ്തീന്‍, സാബു എന്നിവരും സംബന്ധിച്ചു.