കെ എം അബ്ബാസിന്റെ സമ്പൂര്‍ണ കഥകള്‍ പ്രകാശനം ചെയ്തു

ദുബയ്: മാധ്യമപ്രവര്‍ത്തകനും എഴുത്തുകാരനുമായ കെ എം അബ്ബാസിന്റെ 'സമ്പൂര്‍ണ കഥകള്‍' ദുബയില്‍ പ്രകാശനം ചെയ്തു. മലബാര്‍ ഗോള്‍ഡ് ആന്റ് ഡയമണ്ട്‌സ് എംഡി ഷംലാല്‍ അഹ്മദ് ഒയാസിസ് കെമിക്കല്‍സ് എംഡി വേണുഗോപാല്‍ മേനോന് നല്‍കിയാണ് പ്രകാശനം ചെയ്തത്. തന്‍സി ഹാഷിര്‍ അധ്യക്ഷത വഹിച്ചു. പി എ ജലീല്‍, തല്‍ഹത്, എം സി എ നാസര്‍, എല്‍വിസ് ചുമ്മാര്‍, സാദിഖ് കാവില്‍, വനിതാ വിനോദ്, അനൂപ് കീച്ചേരി, ജലീല്‍ പട്ടാമ്പി സംസാരിച്ചു. ഗള്‍ഫ് ജീവിത പശ്ചാത്തലത്തിലുള്ള കഥകളുടെ സമാഹാരമാണിത്. ഷാര്‍ജ രാജ്യാന്തര പുസ്തക മേളയില്‍ ഗ്രീന്‍ബുക്‌സ് പവലിയനില്‍ ലഭ്യമാവും.