കോതമംഗലം സ്വദേശി അജ്മാനില്‍ കൊവിഡ് ബാധിച്ച് മരിച്ചു

അബൂദബി: അജ്മാനില്‍ കൊവിഡ് ബാധിച്ചു ചികില്‍സയിലായിരുന്ന മലയാളി മരിച്ചതായി നാട്ടില്‍ ബന്ധുക്കള്‍ക്ക് വിവരം ലഭിച്ചു. കോതമംഗലം ആയക്കാട് ഇലവുംചാലില്‍ കോയയുടെ മകന്‍ നിസാറാ(37)ണ് മരിച്ചത്. ഒരാഴ്ചയോളമായി രോഗബാധിതനായി അജ്മാനിലെ സൗദി ജര്‍മന്‍ ആശുപത്രിയില്‍ ചികില്‍സയിലായിരുന്നു. സ്വകാര്യ കമ്പനിയില്‍ സെയില്‍സ് ജീവനക്കാരനായിരുന്നു. കഴിഞ്ഞ ഫെബ്രുവരിയിലാണ് അവസാനമായി നാട്ടില്‍ വന്നുമടങ്ങിയത്. ഭാര്യ: പിടവൂര്‍ മംഗലത്ത് കുടുംബാഗം സിംന. മക്കള്‍: അന്‍ഹ മെഹ്‌റിന്‍, ആലിയ മെഹ്‌റിന്‍, മുഹമ്മദ് അത്തീഖ്.