ഹജ്ജ് സേവനങ്ങള്‍ക്ക് സജ്ജമായി മക്ക ഫ്രറ്റേണിറ്റി ഫോറം

മക്ക: ഹജ്ജ് സേവനരംഗത്ത് 19ാം വര്‍ഷത്തിലേക്കു കാലെടുത്തുവയ്ക്കുന്ന ഇന്ത്യ ഫ്രറ്റേണിറ്റി ഫോറം ഈ വര്‍ഷത്തെ ഹജ്ജ് സേവനകള്‍ക്കുള്ള മക്ക ഏരിയ ഹജ്ജ് കോ-ഓഡിനേഷന്‍ കമ്മിറ്റി രൂപീകരിച്ചു. കോ-ഓഡിനേറ്റര്‍ ഖലീല്‍ ചെമ്പയില്‍, വോളണ്ടിയര്‍ ക്യാപ്റ്റന്‍ അബ്ദുല്‍ ഗഫാര്‍, അസീസിയ ഇന്‍ചാര്‍ജ് ഫാളില്‍ നീരോല്‍പാലം, മീഡിയ ഇന്‍ചാര്‍ജ് മുസ്തഫ പള്ളിക്കല്‍ എന്നിവരെയാണ് തിരഞ്ഞെടുത്തത്.

മറ്റു വകുപ്പുകളിലായി അസിസ്റ്റന്റ് കോ-ഓഡിനേറ്റര്‍ സാകിര്‍ കര്‍ണാടക, വൈസ് ക്യാപ്റ്റന്‍ അബ്ദുല്‍സലാം, ഫൈനാന്‍സ് അന്‍വര്‍ മഞ്ചേരി, ലോജിസ്റ്റിക് ജാഫര്‍ ചാവക്കാട്, മീഡിയ അസിസ്റ്റന്റ് സാലിഹ് എന്നിവരെയും തിരഞ്ഞെടുത്തു. മുന്‍വര്‍ഷങ്ങളെപോലെ ആദ്യ ഹാജിമാരുടെ ആഗമനം മുതല്‍ അവസാന ഹാജിയുടെ മടക്കംവരെയും സേവനരംഗത്തുണ്ടാവുമെന്ന് കോ-ഓഡിനേറ്റര്‍ ഖലീല്‍ പറഞ്ഞു. ജിദ്ദ റീജ്യനല്‍ ഫ്രറ്റേണിറ്റി ഹജ്ജ് കോ-ഓഡിനേറ്റര്‍ ഫൈസല്‍ അധ്യക്ഷത വഹിച്ചു. അന്‍വര്‍ സംസാരിച്ചു.