സൗദിയില്‍ കൊവിഡ് 19 ടെസ്റ്റ് നടത്താന്‍ ചൈനയുമായി കരാര്‍

ദമ്മാം: 90 ലക്ഷം കൊവിഡ് 19 ടെസ്റ്റ് നടത്തുന്നതിന് ചൈനയുമായി 995 ദശലക്ഷം റിയാലിന്റെ കരാറില്‍ സൗദി സര്‍ക്കാര്‍ ഒപ്പുവച്ചു. കൊവിഡ് 19 പ്രതിരോധിക്കുന്നതിനു സൗദി ഭരണാധികാരി സല്‍മാന്‍ രാജാവിന്റെ നിര്‍ദേശത്തെത്തുടര്‍ന്നാണ് പുതിയ നടപടി.

അതേസമയം, കൊവിഡ് 19 പ്രതിരോധിക്കുന്നതിന്റെ ഭാഗമായി ഏര്‍പ്പെടുത്തിയ 24 മണിക്കൂര്‍ കര്‍ഫ്യൂവിന് സൗദി ഭരണാധികാരി ഇളവ് പ്രഖ്യാപിച്ചെങ്കിലും പ്രവിശ്യകളിലേക്കും മറ്റുചില പ്രദേശങ്ങളിലേക്കുമുള്ള പ്രവേശനവും പുറത്തുപോവുന്നതിനുള്ള നിരോധനവും തുടരുമെന്ന് സൗദി ആഭ്യന്തരമന്ത്രാലയം അറിയിച്ചു.