പ്രവാസികളുടെ പ്രശ്‌നങ്ങള്‍ക്ക് പരിഹാരം: എംപിമാര്‍ക്ക് നിവേദനം നല്‍കുമെന്ന് ഇന്ത്യന്‍ സോഷ്യല്‍ ഫോറം കുവൈത്ത്

കുവൈത്ത് സിറ്റി: കൊവിഡ് 19ന്റെ പശ്ചാത്തലത്തില്‍ പ്രവാസികള്‍ വിദേശരാജ്യങ്ങളില്‍ അനുഭവിക്കുന്ന പ്രയാസങ്ങളില്‍ കേന്ദ്ര, സംസ്ഥാന സര്‍ക്കാരുകള്‍ പ്രവാസികളോട് കാണിക്കുന്ന അവഗണനയ്‌ക്കെതിരേ പ്രായോഗികപരിഹാരം കാണണമെന്നാവശ്യപ്പെട്ട് ഇന്ത്യന്‍ സോഷ്യല്‍ ഫോറം കുവൈത്ത് കേരള സംസ്ഥാന കമ്മിറ്റി കേരളത്തില്‍നിന്നുള്ള മുഴുവന്‍ എംപിമാര്‍ക്കും നിവേദനം നല്‍കും.

പൊതുമാപ്പുമായി ബന്ധപ്പെട്ട കേന്ദ്രസര്‍ക്കാരും ഇന്ത്യന്‍ എംബസിയും കാണിച്ച അനാസ്ഥ, കൊവിഡ് സമയത്ത് മരണപ്പെട്ട പ്രവാസി കുടുംബങ്ങള്‍ക്ക് നഷ്ടപരിഹാരം, ഇന്ത്യയിലേക്ക് തിരിച്ചുപോവുന്ന പ്രവാസികള്‍ക്കുള്ള പുനരധിവാസം തുടങ്ങിയ ആവശ്യങ്ങളുന്നയിച്ചുള്ള നിവേദനമാണ് നല്‍കുന്നതെന്ന് ഇന്ത്യന്‍ സോഷ്യല്‍ ഫോറം വൈസ് പ്രസിഡന്റ് അസ്‌ലം വടകര അറിയിച്ചു.