കുവൈത്തില്‍ രണ്ട് മലയാളികള്‍ നിര്യാതരായി

കുവൈത്ത് സിറ്റി: കുവൈത്തില്‍ രണ്ടുമലയാളികള്‍ നിര്യാതരായി. പത്തനംതിട്ട വള്ളിക്കോട് സ്വദേശി കൊച്ചുകിഴക്കേതില്‍ അനില്‍കുമാര്‍ സുകുമാരന്‍ (49) ഹൃദയാഘാതം മൂലമാണ് മരിച്ചത്. സാല്‍മിയ സാറ പ്ലാസ അപാര്‍ട്ട്മന്റ് ഹോട്ടലില്‍ ഡ്രൈവറായി ജോലി ചെയ്തുവരികയായിരുന്നു. ഭാര്യ: അമ്പിളി, കുവൈത്തിലാണ്. രണ്ടുപെണ്‍കുട്ടികളുണ്ട്. ഇവര്‍ നാട്ടിലാണ്.

കണ്ണൂര്‍ അഴീക്കോട് കച്ചേരിപ്പാറ സ്വദേശി കരയാന്‍ അജിത് കുമാര്‍ (54) ആണ് മരണപ്പെട്ട മറ്റൊരു മലയാളി. ഫവാസ് കമ്പനിയില്‍ ഇലക്ട്രിക്കല്‍ സൂപ്പര്‍വൈസറായിരുന്നു. പിതാവ് പരേതനായ ലക്ഷ്മണന്‍. മാതാവ്: രതി. ഭാര്യ: സന്ധ്യ. മകള്‍: കീര്‍ത്തന. ഇരുവരുടെയും മൃതദേഹങ്ങള്‍ നാട്ടിലേക്ക് കൊണ്ടുപോവുന്നതിനുള്ള നടപടിക്രമങ്ങള്‍ പുരോഗമിക്കുകയാണ്.