കൊവിഡ്: രണ്ട് മലപ്പുറം സ്വദേശികള്‍ ജിദ്ദയില്‍ മരിച്ചു

ജിദ്ദ: കൊവിഡ് ബാധയെത്തുടര്‍ന്ന് മലപ്പുറം സ്വദേശികളായ രണ്ടുപേര്‍ ജിദദയില്‍ മരണപ്പെട്ടു. മലപ്പുറം ചട്ടിപ്പറമ്പ് സ്വദേശി പുള്ളില്‍ ഉമ്മര്‍ (49), മലപ്പുറം പാണ്ടിക്കാടിനടുത്ത് തുവ്വൂര്‍ സ്വദേശി ആനപ്പട്ടത്ത് നാണിയുടെ മകന്‍ മുഹമ്മദലി എന്നിവരാണ് മരണപ്പെട്ടത്.

വൈറസ് പിടിപെട്ട് ജിദ്ദ നാഷനല്‍ ഹോസ്പിറ്റലില്‍ ചികില്‍സയിലായിരുന്ന പുള്ളില്‍ ഉമ്മര്‍ ഇന്ന് പുലര്‍ച്ചെയാണ് മരണപ്പെട്ടത്. ജിദ്ദ കെഎംസിസി വെല്‍ഫെയര്‍ വിങ് ഖബറടക്കുന്നതിന് വേണ്ടിയുള്ള നടപടിക്രമങ്ങള്‍ നടത്തിക്കൊണ്ടിരിക്കുകയാണ്.