റമദാന്‍ പ്രമാണിച്ച് നൂറു കണക്കിന് തടവുകാര്‍ക്ക് പൊതുമാപ്പ് നല്‍കി യുഎഇ

ദുബയ്: റമദാനിന് മുന്നോടിയായി രാജ്യത്തെ 540 തടവുകാരെ മോചിപ്പിക്കാന്‍ യുഎഇ പ്രസിഡന്റ് ശെയ്ഖ് ഖലീഫ ബിന്‍ സായിദ് അല്‍ നഹ്യാന്‍ ഉത്തരവിട്ടതായി രാജ്യത്തെ ഔദ്യോഗിക വാര്‍ത്താ ഏജന്‍സിയായ വാം റിപ്പോര്‍ട്ട് ചെയ്തു. ഇതില്‍ നിരവധി ഇന്ത്യക്കാരും ഉള്‍പ്പെടുമെന്നാണ് റിപോര്‍ട്ടുകള്‍.

പൊതുമാപ്പ് നല്‍കിയ തടവുകാര്‍ക്ക് ഒരു പുതിയ ജീവിതം കെട്ടിപ്പടുക്കാനും അവരുടെ കുടുംബങ്ങളുടെ കഷ്ടപ്പാടുകള്‍ ലഘൂകരിക്കാനുമുള്ള അവസരം നല്‍കാനുള്ള പ്രസിഡന്റ് ശെയ്ഖ് ഖലീഫ ബിന്‍ സായിദ് അല്‍ നഹ്യാന്റെ തീരുമാനപ്രകാരമാണ് പൊതുമാപ്പ് പ്രഖ്യാപിച്ചതെന്ന് റിപ്പോര്‍ട്ട് കൂട്ടിച്ചേര്‍ത്തു.