രക്തദാന ദിനാചരണം: കര്‍ണാടക സ്‌പോര്‍ട്‌സ് കള്‍ച്ചറല്‍ ക്ലബ്ബിന്റെ നേതൃത്വത്തില്‍ 171 പേര്‍ രക്തം നല്‍കി

ദുബൈ: ലോക രക്തദാന ദിനത്തോടനുബന്ധിച്ച് കര്‍ണാടക സ്‌പോര്‍ട്‌സ് ആന്‍ഡ് കള്‍ച്ചറല്‍ ക്ലബ്ബ്(കെഎസ് സിസി) രക്തദാന കാംപയിന്‍ സംഘടിപ്പിച്ചു. ദുബൈ ലതീഫ ആശുപത്രിയില്‍ സംഘടിപ്പിച്ച കാംപയിനില്‍ 171 പേരാണ് രക്തം ദാനം ചെയ്തത്. ദുബൈ ഹെല്‍ത്ത് അതോറിറ്റി(ഡിഎച്ച്എ)യുമായി ചേര്‍ന്ന് കമ്മ്യൂണിറ്റി ഡെവലപ്‌മെന്റ് അതോറിറ്റി(സിഡിഎ)യുമായി സഹകരിച്ചാണ് കാംപയിന്‍ സംഘടിപ്പിച്ചത്. ഉച്ചതിരിഞ്ഞ് മൂന്നിന് ആരംഭിച്ച രക്തദാന ക്യാംപ് വൈകീട്ട് എട്ട് വരേ തുടര്‍ന്നു.

കെഎസ് സി സി ക്ലബ്ബ് മാനേജര്‍ മുഹമ്മദ് ഷാഫിയും രക്തദാന ക്യാംപയിനില്‍ പങ്കാളിയായി. കൊവിഡ് മഹാമാരി തുടരുന്ന സാഹചര്യത്തില്‍ ദുബൈ ആരോഗ്യ വിഭാഗവുമായി ചേര്‍ന്ന് രക്തദാന ക്യാംപയിനുകള്‍ സജീവമാക്കുമെന്ന് കെഎസ് സിസി ഭാരവാഹികള്‍ അറിയിച്ചു.