ഒളിംപിക്‌സ്; അവിനാഷ് സാബലെ 3000 മീറ്റര്‍ സ്റ്റീപ്പിള്‍ചേസ് ഫൈനലില്‍

പാരീസ്: അത്ലറ്റിക്‌സില്‍ ഇന്ത്യയുടെ അവിനാഷ് സാബലെ 3000 മീറ്റര്‍ സ്റ്റീപ്പിള്‍ചേസ് ഫൈനലില്‍ കടന്നു. ആദ്യമായാണ് ഒരു ഇന്ത്യന്‍താരം ഈയിനത്തില്‍ ഒളിമ്പിക് ഫൈനലില്‍ കടക്കുന്നത്. ഹീറ്റ്സ് രണ്ടില്‍ മത്സരിച്ച സാബ്ലെ രണ്ടു മിനിറ്റ് 15.43 സെക്കന്‍ഡില്‍ അഞ്ചാമതായി ഓട്ടം പൂര്‍ത്തിയാക്കി. ഹീറ്റ്സിലെ ആദ്യ അഞ്ചു സ്ഥാനക്കാരാണ് ഫൈനലിലേക്ക് യോഗ്യത നേടുക. മുഹമ്മദ് ടിന്‍ഡോഫ് (മൊറോക്കൊ), സാമുവല്‍ ഫിര്‍വു(എത്യോപ്യ), അബ്രഹാം കിബിവോട്ട്(കെനിയ), റിയുജി മിയുര(ജപ്പാന്‍) എന്നിവരാണ് ആദ്യ നാലു സ്ഥാനങ്ങളിലെത്തിയത്. വ്യാഴാഴ്ചയാണ് ഫൈനല്‍.