സണ്‍റൈസേഴ്‌സിനെ വില്ല്യംസണ്‍ നയിക്കും; വാര്‍ണര്‍ പുറത്ത്

ഡല്‍ഹി: ഐപിഎല്ലില്‍ അവസാന സ്ഥാനത്ത് നില്‍ക്കുന്ന സണ്‍റൈസേഴ്‌സ് ഹൈദരാബാദ് അവരുടെ ക്യാപ്റ്റന്‍ ഡേവിഡ് വാര്‍ണറെ തല്‍സ്ഥാനത്ത് നിന്ന് നീക്കി. പകരം ന്യൂസിലന്റ് ക്യാപ്റ്റന്‍ കാനെ വില്ല്യംസണെ ക്യാപ്റ്റനായി പ്രഖ്യാപിച്ചു. ഈ സീസണില്‍ ഒരു ജയം മാത്രമായി എസ്ആര്‍എച്ച് അവസാന സ്ഥാനത്താണ്. ഓസിസ് താരം ഡേവിഡ് വാര്‍ണര്‍ ഈ സീസണില്‍ ഫോമും കണ്ടെത്തിയിരുന്നില്ല. 2016 മുതല്‍ വാര്‍ണറായിരുന്നു ഹൈദരാബാദിനെ നയിച്ചത്. 2016ല്‍ സണ്‍റൈസേഴ്‌സ് കിരീടവും നേടിയിരുന്നു. 2018ല്‍ പന്ത് ചുരുട്ടല്‍ വിവാദത്തില്‍പ്പെട്ടതിനെ തുടര്‍ന്ന് വാര്‍ണര്‍ക്ക് പകരം വില്ല്യംസണ്‍ എസ്ആര്‍എച്ചിനെ നയിച്ചിരുന്നു. തുടര്‍ന്ന് 2019ല്‍ താരം വീണ്ടും ക്യാപ്റ്റനായി സ്ഥാനമേറ്റെടുക്കുകയായിരുന്നു.