ഏഷ്യാ കപ്പ്; ഇന്ത്യാ-പാക് ടിക്കറ്റിന് വന്‍ ഡിമാന്റ്; വ്യാജനെ കണ്ടെത്താന്‍ ദുബായ് പോലിസ്

റിയാദ്: പതിവ് പോലെ ഏഷ്യാ കപ്പിലെ ഇന്ത്യാ- പാകിസ്ഥാന്‍ മല്‍സരത്തിനുള്ള ടിക്കറ്റിന് വന്‍ ഡിമാന്റ്. ഈ മാസം 27നാണ് ഏഷ്യാ കപ്പ് തുടങ്ങുന്നത്. ട്വന്റി-20 ഫോര്‍മാറ്റിലാണ് ഇത്തവണ മല്‍സരം. വ്യാജ ടിക്കറ്റുകള്‍ കണ്ടെത്താന്‍ ദുബായ് പോലിസ് പ്രത്യേക സംവിധാനം ഒരുക്കിയിട്ടുണ്ട്. പ്രത്യേക തരം ടെക്‌നോളജി ഉപയോഗിച്ചിട്ടുള്ള ഉപകരണം വഴിയാണ് വ്യാജ ടിക്കറ്റുകള്‍ കണ്ടെത്തുക.ഓഗസ്റ്റ് 28ന് ഏഴ് മണിക്കാണ് ഇന്ത്യാ-പാകിസ്ഥാന്‍ മല്‍സരം നടക്കുക.ദുബായ് ഇന്റര്‍നാഷണല്‍ സ്റ്റേഡിയത്തിലാണ് മല്‍സരം. പാകിസ്ഥാന്‍, ശ്രീലങ്ക, ബംഗ്ലാദേശ്, അഫ്ഗാനിസ്ഥാന്‍, ഇന്ത്യ എന്നിവരും യുഎഇ, ഹോങ്കോങ്, കുവൈത്ത്, സിങ്കപൂര്‍ എന്നിവരില്‍ ഒരു ടീമും ടൂര്‍ണ്ണമെന്റില്‍ പങ്കെടുക്കും.