ബുണ്ടസയില്‍ ബയേണും ലീഗ് വണ്ണില്‍ പിഎസ്ജിയും കിരീടത്തോടടുത്ത്

പാരിസ്: 15 പോയിന്റിന്റെ വന്‍ ലീഡുമായി പിഎസ്ജി ഫ്രഞ്ച് ലീഗ് വണ്‍ കിരീടത്തോടടുക്കുന്നു.ഇന്ന് നടന്ന മല്‍സരത്തില്‍ പിഎസ്ജി മാര്‍സിലെയെ 2-1ന് പരാജയപ്പെടുത്തി. നെയ്മര്‍, എംബാപ്പെ എന്നിവരാണ് പിഎസ്ജിയ്ക്കായി സ്‌കോര്‍ ചെയ്തത്.

ജര്‍മ്മന്‍ ബുണ്ടസാ ലീഗില്‍ ഒന്നാം സ്ഥാനത്തുള്ള ബയേണ്‍ മ്യുണിക്കിന് ഒമ്പത് പോയിന്റിന്റെ ലീഡ്.ഇന്ന് അര്‍മേനിയ ബെല്‍ഫെല്‍ഡിനെ എതിരില്ലാത്ത മൂന്ന് ഗോളിന് ബയേണ്‍ മറികടന്നു. രണ്ടാം സ്ഥാനത്തുള്ള ഡോര്‍ട്ടമുണ്ടിന് 63 പോയിന്റാണുള്ളത്.