ചാംപ്യന്‍സ് ലീഗ്; ചെല്‍സിക്ക് സമനില; ജയം തുടര്‍ന്ന് റയല്‍

സ്റ്റാംഫോഡ്ബ്രിഡ്ജ്: ഹോം ഗ്രൗണ്ടിലും ഇംഗ്ലിഷ് പ്രമുഖര്‍ ചെല്‍സിക്ക് രക്ഷയില്ല. ഇന്ന് ആര്‍ ബി സാല്‍സ്ബര്‍ഗിനെ നേരിട്ട ചെല്‍സി അവരോട് 1-1ന്റെ സമനില വഴങ്ങി. ആദ്യ മല്‍സരത്തില്‍ തോറ്റ ചെല്‍സി പുതിയ കോച്ച് ഗ്രഹാം പോട്ടര്‍ക്ക് കീഴിലാണ് ഇറങ്ങിയത്.സ്‌റ്റെര്‍ലിങിലൂടെ 48ാം മിനിറ്റില്‍ ചെല്‍സി ലീഡെടുത്തിരുന്നു. എന്നാല്‍ 75ാം മിനിറ്റില്‍ ഓസ്‌ട്രേിയന്‍ ക്ലബ്ബ് ഒകാഫോറിലൂടെ സമനില പിടിക്കുകയായിരുന്നു.

മറ്റൊരു മല്‍സരത്തില്‍ ആര്‍ ബി സാല്‍സ്ബര്‍ഗിനെ എതിരില്ലാത്ത രണ്ട് ഗോളിന് റയല്‍ മാഡ്രിഡ് പരാജയപ്പെടുത്തി. ആദ്യ പകുതിയല്‍ ഗോള്‍ കണ്ടെത്താന്‍ റയലിന്റെ താരപ്രമുഖര്‍ക്കായില്ല. രണ്ടാം പകുതി അവസാനിക്കാനിരിക്കെയാണ് റയല്‍ രണ്ട് ഗോള്‍ അടിച്ചത്. വാല്‍വര്‍ഡെ, അസെന്‍സിയോ എന്നിവരാണ് സ്‌കോര്‍ ചെയ്തത്.