എറിക്‌സണ് ബോധം തിരിച്ചുകിട്ടി; യൂറോ മല്‍സരം ആരംഭിച്ചു

കോപ്പന്‍ഹേഗന്‍: യൂറോ കപ്പ് മല്‍സരത്തിനിടെ കുഴഞ്ഞുവീണ ഡെന്‍മാര്‍ക്ക് താരം ക്രിസ്റ്റ്യന്‍ എറിക്‌സണിന് ബോധം തിരിച്ചുകിട്ടി. ആശുപത്രിയില്‍ പ്രവേശിപ്പിച്ച എറിക്‌സണ് ബോധം ലഭിച്ചുവെന്നും താരം അപകടനില തരണം ചെയ്തുവെന്നും യുവേഫാ അറിയിച്ചു. താല്‍ക്കാലികമായി നിര്‍ത്തിവച്ച ഡെന്‍മാര്‍ക്കിന്റെ ഫിന്‍ലാന്റിനെതിരായ മല്‍സരം ഇപ്പോള്‍ പുരോഗമിക്കുകയാണ്. ഡെന്‍മാര്‍ക്കിന്റെ ഇന്റര്‍മിലാന്‍ താരം ക്രിസ്റ്റ്യന്‍ എറിക്‌സണ്‍ മല്‍സരത്തിനിടെയാണ് കുഴഞ്ഞുവീണത്. തുടര്‍ന്നാണ് ഫിന്‍ലാന്റിനെതിരായ മല്‍സരം ഉപേക്ഷിച്ചത്. മല്‍സരത്തിന്റെ ഒന്നാം പകുതി അവസാനിക്കാന്‍ മിനിറ്റുകള്‍ ശേഷിക്കെയാണ് എറിക്‌സണ്‍ കുഴഞ്ഞുവീണത്.