ഐഎസ്എല്ലില്‍ വിന്നേഴ്‌സ് ഷീല്‍ഡ് ജെംഷഡ്പൂരിന്

പനാജി: ഇന്ത്യന്‍ സൂപ്പര്‍ ലീഗിലെ 2021-22 സീസണിലെ വിന്നേഴ്‌സ് ഷീല്‍ഡ് ജെംഷഡ്പൂര്‍ എഫ്‌സിക്ക്. ലീഗിലെ അവസാന മല്‍സരത്തില്‍ എടികെ മോഹന്‍ ബഗാനെ എതിരില്ലാത്ത ഒരു ഗോളിന് പരാജയപ്പെടുത്തിയാണ് ജെംഷഡ്പൂര്‍ ഒന്നാം സ്ഥാനത്ത് മികച്ച ലീഡോടെ ഫിനിഷ് ചെയ്തത്. 56ാം മിനിറ്റില്‍ റിത്വിക്ക് ദാസാണ് ജെംഷഡ്പൂരിന്റെ വിജയഗോള്‍ നേടിയത്. 20മല്‍സരങ്ങളില്‍ നിന്നായി ജെംഷഡ്പൂരിന് 43 പോയിന്റാണുള്ളത്. രണ്ടാം സ്ഥാനത്തുള്ള ഹൈദരാബാദിന് 38 പോയിന്റും മൂന്നാം സ്ഥാനത്തുള്ള എടികെയ്ക്ക് 37 പോയിന്റുമാണുള്ളത്. ബ്ലാസ്‌റ്റേഴ്‌സിന് 34 പോയിന്റാണുള്ളത്. പ്ലേ ഓഫ് മല്‍സരങ്ങളുടെ ആദ്യ പാദം മാര്‍ച്ച് 11നും രണ്ടാം പാദം മാര്‍ച്ച് 12നും നടക്കും. ബ്ലാസ്റ്റേഴ്‌സിന്റെ എതിരാളികള്‍ ജെംഷഡ്പൂര്‍ എഫ്‌സിയാണ്.