ഇറ്റലിയുടെ ലോകകപ്പ് പ്ലേ ഓഫ് പ്രതീക്ഷകള്‍ക്ക് വന്‍ തിരിച്ചടി; ഫെഡറിക്കേ കിയേസക്ക് പരിക്ക്; നാല് മാസം പുറത്ത്

ടൂറിന്‍: ഇറ്റലിയുടെ യുവന്റസ് അറ്റാക്കിങ് താരം ഫെഡറിക്കേ കിയേസയുടെ ഈ സീസണ് അവസാനം. താരത്തിന്റെ കാലിനേറ്റ പരിക്ക് അതിഗുരുതരമാണെന്നും നാല് മാസത്തോളം പുറത്തിരിക്കേണ്ടി വരുമെന്നും യുവന്റസ് അറിയിച്ചു. ഇന്ന് എ എസ് റോമയ്‌ക്കെതിരായ മല്‍സരത്തിനിടെ 32ാം മിനിറ്റിലാണ് താരത്തിന് പരിക്കേറ്റത്.കിയേസയുടെ കാല്‍മുട്ടിനാണ് പരിക്കേറ്റത്. മുട്ടിന് ശസ്ത്രക്രിയ ആവശ്യമാണെന്ന് ഡോക്ടര്‍മാര്‍ അറിയിച്ചു.

ഇറ്റാലിയന്‍ സീരി എയില്‍ മികച്ച തിരിച്ച് വരവ് നടത്തിയ യുവന്റസിന്റെ ടോപ് ഫോര്‍ പ്രതീക്ഷകള്‍ക്കാണ് ഇത് തിരിച്ചടിയാവുക. കൂടാതെ മാര്‍ച്ചില്‍ നടക്കുന്ന ലോകകപ്പ് പ്ലേ ഓഫിലും കിയേസയ്ക്ക് കളിക്കാനാവില്ല.

സൂപ്പര്‍ ഫോമിലുള്ള കിയേസ കഴിഞ്ഞ ദിവസം ടീമിനായി സ്‌കോര്‍ ചെയ്തിരുന്നു. റൊണാള്‍ഡോ ക്ലബ്ബ് വിട്ടതിന് ശേഷം യുവന്റസ് നിരയിലെ പ്രധാന താരമാണ് .