കേരളാ പ്രീമിയര്‍ ലീഗ് ഫൈനല്‍; കെഎസ്ഇബിയും ഗോള്‍ഡന്‍ ത്രഡ്‌സും ഏറ്റുമുട്ടും

കോഴിക്കോട്: കേരളാ പ്രീമിയര്‍ ലീഗിന്റെ ഫൈനലില്‍ കെഎസ്ഇബിയും ഗോള്‍ഡന്‍ ത്രഡ്‌സും ഏറ്റുമുട്ടും.ഇന്ന് കോഴിക്കോട് നടന്ന സെമി ഫൈനലില്‍ ബാസ്‌കോ ഒതുക്കുങ്ങലിനെ ഒന്നിനെതിരേ രണ്ട് ഗോളുകള്‍ക്ക് പരാജയപ്പെടുത്തിയാണ് കെഎസ്ഇബി ഫൈനലില്‍ പ്രവേശിച്ചത്.

കൊച്ചിയില്‍ നടന്ന മറ്റൊരു സെമിയില്‍ സാറ്റ് തിരൂരിനെ ഗോള്‍ഡന്‍ ത്രഡ്‌സ് ഏക ഗോളിന് പരാജയപ്പെടുത്തിയാണ് ഫൈനലില്‍ പ്രവേശിച്ചത്. ഞായറാഴ്ച കോഴിക്കോട് വച്ച് ഫൈനല്‍ നടക്കും.