ഫാത്തി റിട്ടേണ്‍സ്; ബാഴ്‌സ വിജയതീരത്ത്

ക്യാംപ് നൗ: 10 മാസങ്ങള്‍ക്ക് ശേഷം ബാഴ്‌സലോണയുടെ ആദ്യ ഇലവനില്‍ സ്ഥാനം നേടിയ അന്‍സു ഫാത്തി ഗോളോടെ വരവറിയിച്ചു. ലെവന്റേയെ എതിരില്ലാത്ത മൂന്ന് ഗോളിനാണ് ബാഴ്‌സലോണ പരാജയപ്പെടുത്തിയത്. ഫാത്തിക്ക് പുറമെ മെംഫിസ് ഡിപ്പേ, ഡിജോങ് എന്നിവരാണ് കറ്റാലന്‍സിനായി സ്‌കോര്‍ ചെയ്തത്. എല്‍ഷേയെ എതിരില്ലാത്ത ഒരു ഗോളിന് വീഴ്ത്തി റയല്‍ സോസിഡാഡ് ലീഗില്‍ രണ്ടാം സ്ഥാനത്തെത്തി.

ഇറ്റാലിയന്‍ സീരി എയില്‍ യുവന്റസും വിജയപാതയില്‍ എത്തി. സംമ്പഡോറിയയെ 3-2നാണ് യുവന്റസ് പരാജയപ്പെടുത്തിയത്. ഡിബാല, ബൗണ്‍സി, ലോക്ടെല്ലി എന്നിവരാണ് യുവന്റസിനായി സ്‌കോര്‍ ചെയ്തത്.