അപരാജിത കുതിപ്പില്‍ ആഴ്‌സണല്‍; ന്യൂകാസിലിനോട് രക്ഷപ്പെട്ട് ലിവര്‍പൂള്‍

ആന്‍ഫീല്‍ഡ്: ഇംഗ്ലിഷ് പ്രീമിയര്‍ ലീഗില്‍ ആഴ്‌സണലിന്റെ വിജയകുതിപ്പ് തുടരുന്നു. ആസ്റ്റണ്‍ വില്ലയ്‌ക്കെതിരേ ഇന്ന് ആഴ്‌സണല്‍ 2-1ന്റെ ജയമാണ് നേടിയത്. അഞ്ച് മല്‍സരങ്ങളില്‍ അഞ്ച് ജയവുമായി ആഴ്‌സണല്‍ ഒന്നാം സ്ഥാനത്താണ്. ഗബ്രിയേല്‍ ജീസുസ്, മാര്‍ട്ടിനെല്ലി എന്നിവരാണ് ആഴ്‌സണലിനായി സ്‌കോര്‍ ചെയ്തത്. വില്ലയുടെ ഏക ഗോള്‍ ഡഗ്ലസ് ലൂയിസിന്റെ വകയാണ്.

ഇന്ന് നടന്ന മറ്റൊരു മല്‍സരത്തില്‍ ലിവര്‍പൂള്‍ ന്യുകാസില്‍ യുനൈറ്റഡിനെ 2-1ന് പരാജയപ്പെടുത്തി. ഫിര്‍മിനോ, കാര്‍വാലോ എന്നിവരാണ് ചെമ്പടയുടെ സ്‌കോറര്‍മാര്‍. ഇസാഖിലൂടെ ന്യൂകാസിലാണ് ലീഡെടുത്തത്. തുടര്‍ന്നാണ് 61ാം മിനിറ്റില്‍ ഫിര്‍മിനോ ലീഡെടുത്തത്. ഇഞ്ചുറി ടൈം അവസാനിക്കാന്‍ രണ്ട് മിനിറ്റ് ശേഷിക്കെയാണ് കാര്‍വാലോ ലിവര്‍പൂളിന്റെ വിജയഗോള്‍ നേടിയത്.