ഇംഗ്ലിഷ് പ്രീമിയര്‍ ലീഗ്; ലിവര്‍പൂള്‍ രണ്ടില്‍; ബെനിറ്റ്‌സിനെ പുറത്താക്കി എവര്‍ട്ടണ്‍

ആന്‍ഫീല്‍ഡ്: ഇംഗ്ലിഷ് പ്രീമിയര്‍ ലീഗില്‍ ലിവര്‍പൂള്‍ രണ്ടാം സ്ഥാനത്തെത്തി. ഇന്ന് നടന്ന മല്‍സരത്തില്‍ ബ്രന്റ്‌ഫോഡിനെ എതിരില്ലാത്ത മൂന്ന് ഗോളിന് പരായപ്പെടുത്തിയാണ് ലിവര്‍പൂള്‍ ചെല്‍സിയെ പിന്‍തള്ളി മൂന്നാം സ്ഥാനത്തെത്തിയത്. സൂപ്പര്‍ താരങ്ങള്‍ ആയ മുഹമ്മദ് സലാഹ്, സാദിയോ മാനെ എന്നിവര്‍ ഇല്ലാതെയാണ് ചെമ്പട ബ്രന്റ്‌ഫോഡിനെ നേരിട്ടത്.ഫാബിനോ, ഒക്‌സലെയ്ഡ് ചേംബര്‍ലിന്‍, മിനാമിനോ എന്നിവരാണ് ഇന്ന് ലിവര്‍പൂളിനായി വലകുലിക്കിയവര്‍.മറ്റൊരു മല്‍സരത്തില്‍ 15ാം സ്ഥാനത്തുള്ള ലീഡ്‌സ് നാലാം സ്ഥാനത്തുള്ള വെസ്റ്റ്ഹാമിനെ 3-2ന് വീഴ്ത്തി.

അതിനിടെ കഴിഞ്ഞ ദിവസം 18ാം സ്ഥാനത്തുള്ള നോര്‍വിച്ച് സിറ്റി എവര്‍ട്ടണെ തോല്‍പ്പിച്ചിരുന്നു. തോല്‍വിയോടെ എവര്‍ട്ടണ്‍ 16ാം സ്ഥാനത്തേക്ക് വീണിരുന്നു. തോല്‍വിയെ തുടര്‍ന്ന് എവര്‍ട്ടണ്‍ അവരുടെ കോച്ച് റാഫേല്‍ ബെനിറ്റ്‌സിനെ ഇന്ന് പുറത്താക്കി.