യുവന്റസ്-നപ്പോളി മല്‍സരം പിര്‍ളോയുടെ ഭാവി നിര്‍ണ്ണയിക്കും

ടൂറിന്‍: ഇറ്റാലിയന്‍ സീരി എയില്‍ കിരീടം പ്രതീക്ഷ തുലാസില്‍ നില്‍ക്കുന്ന യുവന്റസിന് നപ്പോളിക്കെതിരായ മല്‍സരം നിര്‍ണ്ണായകം. കോച്ച് ആേ്രന്ദ പിര്‍ളോയുടെ ഭാവി നിര്‍ണ്ണയിക്കുന്ന മല്‍സരമാണ് നപ്പോളിക്കെതിരേ വരുന്നത്. 11 വര്‍ഷം തുടര്‍ച്ചയായി ഇറ്റാലിയന്‍ സീരി എ കിരീടം നേടിയ യുവന്റസിന് ഇക്കുറി പോരാട്ടം കടുത്തതാണ്. 28 റൗണ്ട് മല്‍സരങ്ങള്‍ കഴിഞ്ഞിട്ടും യുവന്റസിന് ഒന്നാം സ്ഥാനത്ത് എത്താന്‍ കഴിഞ്ഞിട്ടില്ല. ഇന്റര്‍ മിലാനും എ സി മിലാനുമാണ് ഒന്നും രണ്ടും സ്ഥാനങ്ങളില്‍ മാറ്റുരയ്ക്കുന്നത്. മൂന്നാം സ്ഥാനത്ത് അറ്റ്‌ലാന്റയാണ്. പിര്‍ളോയുടെ യുവന്റസാവട്ടെ നാലാം സ്ഥാനത്തും. ഇക്കുറി ചാംപ്യന്‍സ് ലീഗ് യോഗ്യതയും യുവന്റസിന് കിട്ടാക്കനിയാവുമോയെന്നാണ് ഇറ്റലിയില്‍ നിന്നുള്ള റിപ്പോര്‍ട്ട്. അഞ്ചാം സ്ഥാനത്തുള്ള നപ്പോളി ബുധനാഴ്ചയാണ് യുവന്റസിനെ നേരിടുന്നത്. നിര്‍ണ്ണായകമായ ഈ മല്‍സരത്തില്‍ യുവന്റസ് തോല്‍ക്കുന്ന പക്ഷം പിര്‍ളോയുടെ സ്ഥാനം തെറിച്ചേക്കുമെന്നാണ് റിപ്പോര്‍ട്ട്.