പ്രീമിയര്‍ ലീഗ്; ആറാടി ചെല്‍സി; ന്യൂകാസിലിനെ പിടിച്ചുകെട്ടി ബേണ്‍മൗത്ത്

ലണ്ടന്‍: ഇംഗ്ലിഷ് പ്രീമിയര്‍ ലീഗില്‍ തകര്‍പ്പന്‍ ജയവുമായി ചെല്‍സി. നോനി മദുവെകെയുടെ ഹാട്രിക് കരുത്തില്‍ വോള്‍വ്സ് എഫ്.സിയെ രണ്ടിനെതിരെ ആറു ഗോളിന് ചെല്‍സി തകര്‍ത്തു. മദുവെകെയ്ക്ക് പുറമെ നിക്കോളാസ് ജാക്സന്‍ (2), കോള്‍ പാല്‍മര്‍ (45), പകരക്കാരനായി ഇറങ്ങിയ ജാവോ ഫെലിക്സ് (80) എന്നിവരും ലക്ഷ്യകണ്ടു. 49,58,63 മിനിറ്റുകളിലാണ് ഇംഗ്ലീഷ് താരം മദുവെകെ വലകുലുക്കിയത്.പിഎസ്‌വി ഐന്തോവിനില്‍ നിന്നാണ് മദുവെകെയെ ചെല്‍സിയിലെത്തിച്ചത്.വോള്‍വ്സിനായി മാതേയൂസ് കുന്‍ഹ(27), സ്ട്രന്റ് ലാര്‍സന്‍ (45+6) ആശ്വാസ ഗോള്‍ നേടി.

മറ്റൊരു മല്‍സരത്തില്‍ ന്യൂകാസില്‍ യുണൈറ്റഡിനെ ബോണ്‍മൗത്ത് സമനിലയില്‍ തളച്ചു. 37ാം മിനിറ്റില്‍ ബോണ്‍മൗത്തിനായി മാര്‍കസ് ടവറെനെയ്ര്‍ വലകുലുക്കി. 76ാം മിനിറ്റില്‍ ആന്റണി ഗോള്‍ഡനിലൂടെ ന്യൂകാസില്‍ സമനില നേടി രക്ഷപ്പെടുകയായിരുന്നു