ഐഎസ്എല്‍; ജെംഷഡ്പൂരിന്റെ ആറ് താരങ്ങള്‍ക്ക് കൊവിഡ്; ഹൈദരാബാദിനെതിരായ മല്‍സരം മാറ്റിയേക്കും

പനാജി: ഇന്ത്യന്‍ സൂപ്പര്‍ ലീഗ് ക്ലബ്ബുകളിലെ കൊവിഡ് വ്യാപനം തുടരുന്നു. ഏറ്റവും പുതിയതായി ജെംഷഡ്പൂര്‍ എഫ് സി താരങ്ങള്‍ക്കാണ് രോഗം സ്ഥിരീകരിച്ചത്. ജെംഷഡ്പൂരിന്റെ ആറ് താരങ്ങള്‍ക്കാണ് ഇന്ന് കൊവിഡ് പോസ്റ്റീവായത്. ഇതോടെ ഇന്ന് ഹൈദരാബാദ് എഫ് സിക്കെതിരേ നടക്കേണ്ട മല്‍സരവും മാറ്റിയേക്കും. നിലവില്‍ കൊവിഡിനെ തുടര്‍ന്ന് മൂന്ന് ഐഎസ്എല്‍ മല്‍സരങ്ങള്‍ മാറ്റിയിരുന്നു. ഐഎസ്എല്‍ രണ്ടാഴ്ചത്തേക്ക് മാറ്റിവയ്ക്കണമെന്ന ക്ലബ്ബുകളുടെ ആവശ്യത്തിന് ഇതുവരെ അധികൃതര്‍ മറുപടി നല്‍കിയിട്ടില്ല.