ലോകകപ്പ് യോഗ്യത; ബ്രസീല്‍-വെനസ്വേല പോരാട്ടം സമനിലയില്‍; വിനീഷ്യസ് പെനാല്‍റ്റി പാഴാക്കി

കരാക്കസ്: ലോകകപ്പ് യോഗ്യതാ റൗണ്ടിലെ ബ്രസീല്‍-വെനസ്വേല പോരാട്ടം സമനിലയില്‍. വെനസ്വേലയിലെ മതൂരിനിലെ മൊന്യൂമെന്റല്‍ സ്റ്റേഡിയത്തില്‍ നടന്ന മത്സരം 1-1 എന്ന നിലയില്‍ പിരിയുകയായിരുന്നു. ബ്രസീലിന് വേണ്ടി ബാഴ്സലോണയില്‍ മിന്നും ഫോമില്‍ കളിക്കുന്ന റാഫിഞ്ഞയാണ് ഗോള്‍ നേടിയത്. 43-ാം മിനിറ്റില്‍ തകര്‍പ്പന്‍ ഫ്രീകിക്കിലൂടെയായിരുന്നു ഗോള്‍. എന്നാല്‍ മൂന്ന് മിനിട്ടുകള്‍ക്കകം ടെലെസ്‌കോ സെഗോവിയയിലൂടെ ആതിഥേയര്‍ സമനില പിടിച്ചു. ഒടുവില്‍ 89-ാം മിനിറ്റില്‍ ഗോല്‍സാലസിലൂടെ വെനസ്വേല വിജയഗോളും നേടി.

റയല്‍ മഡ്രിഡ് സൂപ്പര്‍ താരം വിനീഷ്യസ് ജൂനിയര്‍ പെനാല്‍റ്റി പാഴാക്കിയത് ബ്രസീലിന് തിരിച്ചടിയായി. 62-ാം മിനിറ്റിലായിരുന്നു ബ്രസീലിന് പെനാല്‍റ്റി ലഭിച്ചത്. സമനിലയോടെ പത്തു ടീമുകളുള്ള തെക്കനമേരിക്കന്‍ യോഗ്യതാ ഗ്രൂപ്പില്‍ 17 പോയന്റുമായി ബ്രസീല്‍ മൂന്നാം സ്ഥാനത്തെത്തി. 22 പോയന്റുമായി അര്‍ജന്റീനയാണ് ഒന്നാം സ്ഥാനത്ത്. 19 പോയന്റുള്ള കൊളംബിയ രണ്ടാമതുണ്ട്.