ഓസ്ട്രേലിയന് ഓപ്പണില് അട്ടിമറികള്; വാവറിങ്ക, ബിയാങ്ക, ക്വിറ്റോവോ പുറത്ത്
പുരുഷ വിഭാഗം സിംഗിള്സില് നൊവാക്ക് ജോക്കോവിച്ച്, ഡൊമനിക്ക് തീം എന്നിവര് മൂന്നാം റൗണ്ടില് പ്രവേശിച്ചു.
![ഓസ്ട്രേലിയന് ഓപ്പണില് അട്ടിമറികള്; വാവറിങ്ക, ബിയാങ്ക, ക്വിറ്റോവോ പുറത്ത് ഓസ്ട്രേലിയന് ഓപ്പണില് അട്ടിമറികള്; വാവറിങ്ക, ബിയാങ്ക, ക്വിറ്റോവോ പുറത്ത്](https://www.thejasnews.com/h-upload/2021/02/10/138405-108519552gettyimages-1170576210.jpg)
മെല്ബണ്: ഓസ്ട്രേലിയന് ഓപ്പണ് വനിതാ വിഭാഗം സിംഗിള്സില് വന് അട്ടിമറികള്. മുന് നിര താരങ്ങളായ സ്റ്റാന് വാവറിങ്ക, ബിയാങ്ക, ക്വിറ്റോവോ എന്നിവരാണ് പുറത്തായത്. മുന് ഓസ്ട്രേലിയന് ഓപ്പണ് ജേതാവു കൂടിയായ വാവറിങ്കയെ തോല്പ്പിച്ചത് ഹംഗേറിയയുടെ മാര്ട്ടിന് ഫുസ്കോവിക്സാണ്. മുന് യു എസ് ഓപ്പണ് ചാംപ്യന് കാനഡയുടെ ബിയാങ്ക ആന്ദ്രീസ്കു രണ്ടാം റൗണ്ടില് പുറത്തായി. 6-3, 6-2 എന്ന സ്കോറിന് സെ സെവെയാണ് ബിയാങ്കയെ തോല്പ്പിച്ചത്. ചെക്ക് റിപ്പബ്ലിക്കിന്റെ പെട്രാ ക്വിറ്റോവയാണ് ഇന്ന് പുറത്തായ മറ്റൊരു പ്രമുഖതാരം. ഒമ്പതാം സീഡായ ക്വിറ്റോവയെ റൊമാനിയയുടെ സൊരാന ക്രിസ്റ്റി 6-4, 6-1, 6-1 എന്ന സ്കോറിനും വീഴ്ത്തി. ലോക രണ്ടാം നമ്പര് താരം സിമോണാ ഹാലപ്പ് മൂന്നാം റൗണ്ടില് കടന്നു. ഓസ്ട്രേലിയയുടെ അജലാ ടൊമലനോവിക്കിനെ 4-6, 6-4, 7-5 സെറ്റുകള്ക്കാണ് ഹാലപ്പ് പരാജയപ്പെടുത്തിയത് . പുരുഷ വിഭാഗം സിംഗിള്സില് നൊവാക്ക് ജോക്കോവിച്ച്, ഡൊമനിക്ക് തീം എന്നിവര് മൂന്നാം റൗണ്ടില് പ്രവേശിച്ചു. പുരുഷ വിഭാഗം ഡബിള്സില് ഇന്ത്യയുടെ ബോപ്പണ്ണ-ജപ്പാന്റെ ബെന് ക്ലാചിയന് സഖ്യം ആദ്യ റൗണ്ടില് പുറത്തായി.കൊറിയന് സഖ്യം നേരിട്ടുള്ള സെറ്റുകള്ക്ക് ബൊപ്പാണ്ണ സഖ്യത്തെ തോല്പ്പിക്കുകയായിരുന്നു.
RELATED STORIES
പ്ലസ് സൈസിലും ഫാഷനബിള് ആകാം
17 Aug 2022 10:23 AM GMTട്രെന്ഡിനൊപ്പം ഷൈന് ചെയ്യാന് ജെന്ഡര്ലസ് ഹാരം പാന്റുകള്
21 July 2022 9:24 AM GMTപനിനീരില് വിരിയുന്ന വസ്ത്രങ്ങള്;ഇക്കോ ഡൈയിങ് വീട്ടില് തന്നെ...
25 Jun 2022 7:50 AM GMTസ്ലിപ് ഓണ് ഷൂസിനും ലോഫേര്സിനുമൊക്കെ തല്ക്കാലം വിട;മഴക്കാലത്ത്...
21 May 2022 7:27 AM GMTഫാഷനില് പുതുതലമുറ തേടുന്നത് മിനിമലിസം
26 April 2022 10:35 AM GMTവസ്ത്രങ്ങളിലെ 'എക്സ്ട്രാ ഫിറ്റിങ്സി'നു പിന്നിലെ സീക്രട്സ്
27 March 2022 6:08 AM GMT